Printer တွေဆိုတာက သုံးရင်ဆေးကုန်တတ်တဲ့အမျိုးတွေဆိုတော့ ပြန်ပြန်ဖြည့်ရတာကမဆန်းပါဘူး။
အဲ့လိုပြန်ဖြည့်တဲ့နေရာမှာ ကိုယ်သုံးနေတဲ့ printer ကိုထုတ်တဲ့မူရင်း company ကနေရောင်းပေးတဲ့ original ဆေးတွေရှိသလို၊ တခြား third party company တွေကနေ ထုတ်တဲ့ဆေးမျိုးတွေလဲရှိတယ်။ အဲ့လိုမှာမှ သုံးပြီးသားမှင်ဘူးကို ပြန်ပြီး refill လုပ်ရတဲ့အမျိုးအစားတွေရှိသလို၊ ဘူးပါပြီးသား cartridges တွေလဲရှိတတ်ပါတယ်။
ဘယ်လိုပဲဖြစ်ဖြစ် ကျွန်တော်တို့ အကြံပေးချင်တာတော့ original ဆေးတွေကိုပဲသုံးဖို့ပါပဲ။
Original ဆေးတွေက ပုံမှန်အားဖြင့် ဈေးနည်းနည်းပိုကြီးတယ်ဆိုပေမယ့် third-party company တွေကနေထုတ်တဲ့ဆေးတွေထက်ပို သုံးသင့်တဲ့အချက်တွေအများကြီးရှိပါတယ်။
Original မဟုတ်တဲ့ Third party ဆေးတွေကဈေးသက်သာတယ်ဆိုပေမယ့် အဓိကဖြစ်တတ်တဲ့ပြသနာတွေကတော့ Print nozzles တွေ ပိတ်တာ၊ Ink Cartridges တွေက printer နဲ့မဆန့်တာ၊ ဆေး quality မညီတာ၊ မကောင်းတာ၊ ပုံတွေဝါးနေတာ၊ အရောင်မမှန် တာ၊ အရောင်မှိန်တာ၊ detail တွေဆုံးရှုံးတာ၊ ဆေးသားကြာကြာမခံတာတွေပါပဲ။
တစ်ချို့ Quality တော်တော် မကောင်းတဲ့ third-party ဆေးတွေသုံးမိမယ်ဆိုရင် ဆေးယိုတာ၊ စာရွက်ညပ်တာမျိုးတွေအထိဖြစ်နိုင်ပြီး မူရင်း company ကပေးတဲ့ warranty မရတာမျိုးတွေအထိဖြစ်သွားနိုင်ပါတယ်။
Original ဆေးတွေမှာတော့ အပေါ်ကပြသနာမျိုးတွေဖြစ်တာ မရှိသလောက်နည်းပါတယ်။ ဒါကြောင့် ကိုယ့် ရုံး ဒါမှမဟုတ် အိမ်က printer ကို သက်တမ်းကြာကြာသုံးချင်တယ်၊ သုံးတဲ့အချိန်မှာလဲ စိတ်ရှုပ်မခံချင်ဘူးဆိုရင် မူရင်း company ကထုတ်တဲ့ original ဆေးတွေကိုပဲသုံးကြပါလို့တိုက်တွန်းချင်ပါတယ်။
