News & Events

Gaming Keyboard ကောင်းကောင်းတစ်ခုပိုင်ဆိုင်ထားသင့်တဲ့အချက်များ

သင်ဟာ PC game တွေကို serious ဖြစ်ဖြစ်ဆော့လေ့ရှိတဲ့ Gamer တစ်ယောက်ဆိုရင် gaming keyboard ကောင်းကောင်းတစ်ခုတော့ရှိထားသင့်ပါတယ်။
တစ်ချို့ comfortable မဖြစ်ဘဲ key တွေကြပ်ညပ်နေတဲ့ keyboard ( အထူးသဖြင့် laptop မှာပါတဲ့ original keyboard ) တွေနဲ့ ဂိမ်းဆော့ရင် အချိန်ကြာလာတာနဲ့အမျှ လက်ညောင်းလာပြီး performance ကျလာတတ်တယ်။
Gaming Keyboard တွေဟာ များသောအားဖြင့် full-sized ဖြစ်လေ့ရှိပြီး key တွေကိုတစ်ခုနဲ့တစ်ခု လွတ်လွတ်ကင်းကင်းသက်တောင့်သက်သာနှိပ်လို့ရအောင်လုပ်ပေးထားတော့ အချိန်ကြာကြာဆော့လဲလက်နာလာတာမျိုးမဖြစ်တော့ပါဘူး။
ပြီးတော့ အခုနောက်ပိုင်းမှာ Gaming Keyboard လို့ပြောလိုက်ရင် Mechanical keys တွေသုံးထားတာကို ပိုမြင်မိကြလိမ့်မယ်ထင်တယ်။ အရင်က Gaming အတွက် Membrane keyboard တွေထုတ်ခဲ့ကြပေမယ့် အခုနောက်ပိုင်းတော်တော်များများက Mechanical keys တွေပဲဖြစ်သွားကြပါပြီ။
Mechanical Keyboard ကို တခြား keyboard တွေနဲ့အဓိကကွဲပြားစေတဲ့အချက်ကတော့ Key တွေ အောက်က switches တွေပါ။ Mechanical Keyboard ရဲ့ switches တွေကို spring တစ်ခု နဲ့ metal contacts နှစ်ခုပါဝင်တဲ့ moving parts တွေနဲ့ပြုလုပ် ထားပါတယ်။
Key ကိုနှိပ်လိုက်တဲ့အချိန်မှာ spring ကိုဖိချလိုက်သလိုဖြစ်သွားပြီးတော့ metal contacts နှစ်ခုကို ချိတ်ဆက်သွားစေပါတယ်။ အဲ့လိုနည်းလမ်းနဲ့ computer မှာရိုက်လိုက်တဲ့စာလုံးကိုပေါ်လာစေတာပါ။ ရိုးရိုး membrane keyboard နဲ့ စာရိုက်ရတာဘာကွာ လဲဆိုရင် feedback မှာသွားစကားပြောပါတယ်။ membrane keyboard တွေမှာ စာရိုက်ရင် ပျော့တိပျော့ဖတ် နဲ့ ပြန်ကန်တဲ့ feedback effect နည်းပါတယ်။ mechanical keyboard တွေမှာတော့ spring ပါတဲ့အတွက် ပြန်ကန်တဲ့ feedback ကအရမ်းအားကောင်းပါတယ်။ ပြီးတော့ သူကထွက်လာတဲ့ clicky အသံလေးတွေကို လူတော်တော်များများသဘောကျကြပါတယ်။ တကယ်လို့ clicky ဖြစ်တဲ့အသံကိုမကြိုက်ရင်၊ tactile ဖြစ်တာကိုမကြိုက်ရင်လဲဒီတိုင်းဖိလိုက်ရင် အိဝင်သွားတဲ့ linear switch တွေရှိပါတယ်။ ရွေးချယ်ထားတဲ့ switch ပေါ်မူတည်ပြီးတော့ feedback တွေ၊ ခလုတ်ကိုဖိချဖို့လိုတဲ့အားတွေ ပြောင်းလဲသွားပါတယ်။
Mechanical Keyboard တွေမှာအသုံးပြုထားတဲ့ switches တွေက ဈေးကြီးတဲ့အတွက် built-quality မှာလဲ membrane keyboard တွေထက်အများကြီးပိုကောင်းပြီး key တစ်ခုကို အနည်းဆုံးအကြိမ်ပေါင်းသန်း ၅၀လောက်ထိ နှိပ်တာကိုခံနိုင်ပါတယ်။
ဒါကြောင့်မို့လို့ Mechanical Keyboard တစ်ခုဝယ်ထားရင် အကြာ ကြီးအသုံးပြုလို့ရပါတယ်။ ပုံမှန် Membrane keyboards တွေကတော့ ဈေးသက်သာတဲ့ rubber switches တွေနဲ့တည်ဆောက် ထားတာကြောင့် အကြာကြီးခံလေ့မရှိပါဘူး။ ကျွန်တော့်အတွက်တော့ mechanical keyboard နဲ့စာ ရိုက်တာက membrane keyboard နဲ့စာရိုက်ရတာထက် ပိုမြန်ပါတယ်။ Mechanical keyboard က key တွေကိုက သိပ်ညှာစရာမလိုပါဘူး။အားနဲ့ရိုက်လဲ ပျက်ခဲပါတယ်။ key travel လဲပိုများလေ့ရှိလို့ စာရိုက်ရတာပိုအားရပါတယ်။
ဒါကြောင့် mechanical keyboard မှာစာရိုက်ရင် ကျွန်တော့်အတွက် 10 WPM လောက်ပိုမြန်လာလေ့ရှိပါတယ်။
Gaming Keyboard တွေမှာ Macro လုပ်ဖို့အတွက် Key အပိုတွေထည့်ပေးထားတတ်ပါတယ်။ Macro ဆိုတာက program လုပ်ထားလို့ရတဲ့ key တွေပါ။ ဥပမာ- dota 2 မှာ invoker ဆိုရင် cold snap အတွက် QQQR ဆိုပြီး လေးချက်နှိပ်ရပါတယ်။ အဲ့အစား program နဲ့ macro လုပ်ထားလိုက်ရင် အဲ့ macro ခလုတ်နှိပ်လိုက်တာနဲ့ cold snap ပြောင်းသွားမှာပါ။ MMORPG ဂိမ်းတွေမှာလဲ Macro တွေက အရမ်းအသုံးတည့်ပါတယ်။ WOW ဆော့တဲ့သူတွေဆိုကောင်းကောင်းသိပါလိမ့်မယ်။
နောက်ဆုံးတစ်ချက်ကတော့ gaming mechanical keyboard တွေမှာဆို key တစ်ခုချင်းစီအတွက် RGB အရောင်တွေထည့်ပေးလာပါတယ်။ ညဘက်စာရိုက်တာ ပဲဖြစ်ဖြစ် ဂိမ်းဆော့တာပဲဖြစ်ဖြစ် keyboard အောက်က ရောင်စုံမီးတွေထွက်နေတာကတော်တော်လေး လှပါတယ်။ Gamer နဲ့ RGB ဆိုတာကခွဲခြားလို့ ကောင်းတာမဟုတ်ဘူးဆိုတော့ RGB ပါတဲ့ Gaming Keyboard အလန်းလေးတစ်လုံးလောက်ရှိနေတာက ကိုယ့် gaming setup ကိုပြည့်စုံသွားစေမှာပါ။
ဒီလောက်ဆိုရင်တော့ Gaming Keyboard ကောင်းကောင်းလေးပိုင်ဆိုင်သင့်တဲ့အကြောင်းပြချက်လေးတွေကို သိသွားလောက်ပြီထင်ပါတယ်။
Gaming Keyboard များအပြင် Gaming Accessories များလိုအပ်ပါကကျွန်တော်တို့ Technoland မှာဝယ်ယူရရှိနိုင်တယ်ဆိုတဲ့အကြောင်းလေးလဲကြေငြာလိုက်ပါတယ်နော်။

Notebook တစ်လုံးကို ကြာရှည်ခံအောင် ဘယ်လိုဂရုတစိုက်အသုံးပြုရမလဲ?

Laptop တွေဟာ သယ်ဆောင်ရလွယ်ကူပြီး နေရာမရွေး၊ အချိန်မရွေး (မီးပျက်သွားရင်တောင်) သုံးလို့ရ တာဖြစ်တဲ့အတွက် လူကြိုက်များကြပါတယ်။ ဒီ article လေးမှာတော့ Laptop တစ်လုံးကို အချိန်သက်တမ်းကြာကြာလေးအသုံးခံအောင် ဘယ်လိုဂရုတ စိုက်သုံးသင့်တယ်ဆိုတာကိုဖော်ပြပေးချင်ပါတယ်။

1. မလိုအပ်တဲ့ software တွေမထည့်ထားပါနဲ့ ။

Laptop ဝယ်တဲ့အချိန်မှာ ဆိုင်ကထည့်ပေးလိုက်တဲ့ software တွေက အများကြီးဖြစ်နေတာမျိုး ရှိကောင်းရှိနိုင်ပါတယ်။ အဲ့ဒီထဲကမှ ကိုယ်လိုအပ်တဲ့ software တွေကလွဲရင် တခြား software တွေတစ်ခု မကျန် uninstall လုပ်ပစ်လိုက်ပါ။ တစ်ချို့ software တွေ အထူးသဖြင့် antivirus တွေက ကိုယ်မသုံးလဲ background process တစ်ခုအနေနဲ့ နောက်ကွယ်မှာ run နေတာမျိုးရှိတတ်ပါတယ်။ Background process တွေများလေ computer ကပိုအလုပ်လုပ်ရလေ heat ပိုထွက်လေပါပဲ။ Overheating ဖြစ်လာရင် သုံးရတာ နှေးလာတာ ထစ်လာတာမျိုးဖြစ်နိုင်ပါတယ်။ Antivirus တွေကို paid version ဝယ်မသုံးဖြစ်ရင် free version တွေတော့မသုံးပါနဲ့ windows defender နဲ့ malware byte လောက်ပဲတွဲသုံးတာပိုကောင်းပါတယ်။

2. Laptop နဲ့ game ဆော့မယ်ဆို cooling pad ခံဖို့မမေ့ပါနဲ့။

Laptop တွေဟာ game ဆော့ဖို့ အကောင်းဆုံး device တွေမဟုတ်ကြပါဘူး။ အကြောင်းအရင်းက Laptop တွေမှာ CPU, GPU လိုအစိတ်အပိုင်းတွေကထွက်တဲ့အပူတွေကို ပြင်ပကိုစွန့်ထုတ်ပေးဖို့ cooling system ကောင်း ကောင်းထည့်ဖို့နေရာမပေးနိုင်ပါဘူး။ ဆိုတော့ ဖြစ်နိုင်ရင် Game ဆော့တာ Video editing လုပ်တာလိုမျိုး heavy workload တွေအတွက်ဆိုရင် အောက်က fan ပါတဲ့ cooling pad ခံတာမျိုးကမဖြစ်မနေလုပ်ထားသင့်ပါတယ်။ Gaming laptop တွေမှာ turbo boost လိုမျိုး function တွေပါတတ်ပေမယ့် fan ထပ်ခံပြီးသုံးတာပိုကောင်းပါတယ်။ အေးလေကောင်းလေပါပဲ။

3. Upgrade လုပ်လို့ရနိုင်သလောက်လုပ်ပါ။

Laptop မှာအဓိကအားဖြင့် upgrade လုပ်လို့ရတာ ၂ နေရာရှိပါတယ်။ SSD နဲ့ RAM ပါ။ Laptop က HDD သုံးထားတဲ့ old model ဖြစ်နေရင် SSD မဖြစ်မနေပြောင်းသင့်ပါတယ်။ RAM ကလဲ ခုခေတ်မှာ 8GB အောက်ဆို အဆင်မပြေတော့တဲ့အနေအထားဆိုတော့ 8GB အနည်းဆုံးရှိအောင် upgrade လုပ်လိုက်ပါ။

4. Battery နဲ့ Keyboard ကိုပျက်ရင်လဲပါ။

Laptop တွေမှာ အပျက်အများဆုံး ၊သက်တမ်းအတိုဆုံးက battery တွေ နဲ့ keyboard တွေပါပဲ။ ကိုယ့် laptop battery က အားအပြည့်သွင်းထားရင်တောင် ၁ နာရီဝန်းကျင်လောက်ပဲခံတော့တာမျိုးဆိုရင် battery လဲသင့်နေပါပြီ။ Keyboard လဲအဲ့လိုပါပဲ။ Laptop အများစုရဲ့ keyboard နဲ့ battery replacement အတွက်ကုန်ကျငွေက ၂ ခုပေါင်းမှတစ်သိန်းဝန်းကျင်လောက်ပဲရှိတတ်ပါတယ်။ဆိုတော့ စိတ်ညစ်မခံပါနဲ့ လဲသာသုံးလိုက်ပါ။ ကျန်တဲ့အစိတ်အပိုင်းတွေက များသောအားဖြင့် အချိန်ခဏနဲ့ ပျက်လေ့မရှိပါဘူး။

5. Laptop တွေကိုမသုံးဘဲ အကြာကြီးပစ်မထားပါနဲ့။ Cleaning ပုံမှန်လုပ်ပါ။
ကိုယ့် Laptop ကမသုံးတာကြာလို့ဖုန်တက်နေတာမျိုးဆိုရင် ပြန်သုံးတဲ့အခါမှာ အဆင်မပြေတာမျိုး ရှိတတ်ပါတယ်။ Keyboard ကြားမှာဖုန်တွေဝင်နေတာမျိုး၊ battery တွေက ဆားပေါက်သလိုဖြစ်နေတာမျိုးတွေက မသုံးတာကြာရင်ဖြစ်တတ်ပါတယ်။ ဆိုတော့ Laptop တွေကို မသုံးဖြစ်ရင်တောင် သန့်ရှင်းရေးပုံမှန်လုပ်တာ၊ power အဖွင့်အပိတ်လုပ်ပေးတာ၊ အားအသွင်းအထုတ် လုပ်ပေးတာမျိုးက လုပ်ပေးသင့်ပါတယ်။ ပုံမှန်သုံးနေကျ Laptop တွေဆိုရင်လဲ ဖြစ်နိုင်ရင် ၃ လတစ်ခါ လောက်အထဲက ဖုန်တွေကို ရှင်းပေးသင့်ပါတယ်။ ဒီနေရာမှာသတိထားဖို့ကတော့ warranty seal တွေပါပဲ။ Warranty ရှိနေသေးရင်တော့ ကိုယ့်သဘောနဲ့ကိုယ် Laptop ကိုအဖြုတ်အတပ်မလုပ်သင့်ပါဘူး။ ဝယ်ထားတဲ့ဆိုင်ကိုပဲ သွားလုပ်ခိုင်းရပါလိမ့်မယ်။

ကဲ…ဒီလောက်ဆိုရင်တော့ ကိုယ့်ရဲ့ Notebook လေးတွေကိုဘယ်လိုကိုင်တွယ်ရမလဲဆိုတာသိလောက်ပြီထင်ပါတယ်။

မိမိတို့ NoteBook လေးတွေမှာ Error တစ်စုံတရာဖြစ်ပေါ်လာရင်တော့ Technoland Service Center ရှိသလို IT နဲ့ဆက်စပ်ပစ္စည်းတွေလိုအပ်လာရင်လဲ Technoland ကိုသတိရလိုက်ပါနော်။

ရိုးရိုး Hard Disk Drive(HDD) နဲ့ Solid State Drive(SSD) ရဲ့ ခြားနားချက်များ

လွန်ခဲ့တဲ့ နှစ်တွေက Computer တွေမှာ Operating System နဲ့ files တွေသိမ်းဖို့အတွက် Hard Disk Drive လို့ခေါ်တဲ့ HDD တွေကိုအသုံးပြုခဲ့ပါတယ်။ နောက်ပိုင်းမှာ Solid State Drive (SSD) တွေပေါ် လာခဲ့ပြီး HDD တွေနေရာကို အစားထိုးဝင်လာတယ်။
စထွက်ခါစက SSD တွေဟာ ဈေးများပြီး သိုလှောင်နိုင်တဲ့ storage ပမာဏကလဲ HDD တွေထက်အများကြီး နည်းတာကြောင့် လူသုံးနည်းပါတယ်။
ဒါပေမယ့် အခုအချိန်မှာ 128GB SATA ssd တစ်လုံးကို $30-40 ဝန်းကျင်လောက်နဲ့ရနေပြီဖြစ်တဲ့အတွက် သင့် computer မှာ HDD သုံးနေတုန်းဆိုရင် အနည်းဆုံးတော Operating System အတွက်ကို SSD မဖြစ်မနေပြောင်းသုံးသင့်နေပါပြီ။

SSD တွေရဲ့ အဓိကအားသာချက်က HDD တွေထက် read, write speed အများကြီးပိုမြန်တာပါ၊ ပုံမှန် HDD တစ်လုံးဟာ files တွေ transfer လုပ်တာမှာ 15 to 30MB/s လောက်ပဲရှိပေမယ့် SATA SSD တစ်လုံး ရဲ့ speed က 500 MB/s လောက်ထိရှိပါတယ်။

NvMe interface ကိုသုံးထားတဲ့ နောက်ဆုံးပေါ် SSD တွေဆိုရင် 3500/MB/s တနည်းအားဖြင့် 3.5GB/s လောက်ထိရှိနိုင်ပါတယ်။ ဒါကြောင့် HDD တွေထက်အဆပေါင်းများစွာ ပိုမြန်ပြီး အချိန်ကုန်သက်သာစေပါတယ်။

နောက်တစ်ခုအနေနဲ့ SSD တွေဟာ 4K read/write operations တွေကို အများကြီး ပိုမြန်မြန်လုပ်ဆောင်နိုင်တာပါ။ Computer တစ်လုံးမှာ ပုံမှန်လုပ်နေကျအလုပ်တွေဖြစ်တဲ့ program ဖွင့်တာ၊ web browsing လုပ်တာစတဲ့ task တွေမှာ operating system အနေနဲ့ 4KB ပမာဏလောက်ပဲရှိ တဲ့ သေးငယ်တဲ့ data groups တွေအများကြီးကိုရယူရပါတယ်။
HDD တစ်လုံးအနေနဲ့ ဒီလိုလုပ်ဆောင်ချက် အတွက် speed က 0.1 ကနေ 1.7 MB/s အထိပဲရှိနိုင်ပြီး SSD တွေကတော့ “4K read/write “ operations တွေမှာ 50 ကနေ 250MB/s လောက်ထိရှိနိုင်ပါတယ်။

ဆိုတော့ ရလဒ်အနေနဲ့ HDD ကနေ SSD ပြောင်းသုံးလိုက်ရင် Windows တက်တဲ့အချိန် အများကြီးပိုမြန်လာတာ၊ program တွေဖွင့်တာမှာပိုမြန်လာတာ၊ ထစ်တာ နှေးတာမျိုး သိပ်မဖြစ်တော့တာ စသည်ဖြင့် အများကြီးသုံးလို့ပိုကောင်းလာမှာပါ။

ပြီးတော့ SSD တွေဟာ HDD တွေလိုမျိုး moving parts တွေမရှိတဲ့အတွက် ပြုတ်ကျလို့ ပျက်စီးတာမျိုး လည်းဖြစ်နိုင်ချေပိုနည်းသွားပါတယ်။

SSD တွေမှာ ပုံစံ ( form factor ) ကိုပုံမှန်အားဖြင့်နှစ်မျိုးတွေ့ရလေ့ရှိပါတယ်။
M.2 SSD နဲ့ 2.5 Inch ssd ဆိုပြီးတော့ပါ။ M.2 ssd ဆိုတာ computer ရဲ့ m.2 slot မှာစိုက်ရတဲ့ အချောင်းသေးသေးလေး ပါ။ ပုံမှန်အားဖြင့် 80x22mm လောက်ရှိတတ်ပြီး အဲ့ထက်တိုနိုင်၊ ရှည်နိုင်ပါတယ်။ M.2 SSD ရဲ့ အရွယ်အစား ကိုသူ့ရဲ့ နောက်မှာပါဝင်တဲ့ နံပါတ်တွေကိုကြည့်ပြီးသိနိုင်ပါတယ်။ ဥပမာ – M.2 Type-2280 လိုမျိုးပါ။ ပထမ နံပါတ် ၂ ခုက အကျယ်ဖြစ်ပြီး၊ ဒုတိယနံပါတ်၂ခုကတော့ အရှည်ဖြစ်ပါတယ်။ 2.5 inch ssd တွေကတော့ hdd တွေနဲ့ဆင်တူတဲ့ box လေးပါပဲ။ အခုနောက်ပိုင်းမှာတော့ laptop တွေမှာ m.2 ssd တွေ ကိုပိုသုံးလေ့ရှိပါတယ်။ 2.5” ssd တွေနဲ့ယှဉ်ရင်နေရာစားသက်သာလို့ပါ။

M.2 SSD တွေမှာ storage size အများဆုံး 2TB ထိရှိတတ်ပါတယ်။ တခြား form factor တွေမှာ တော့အဲ့ထက်ပိုများများရနိုင်ပါတယ်။ M.2 SSD ကို ကိုယ့်ရဲ့ pc မှာသုံးဖို့အတွက် M.2 slot ပါဝင်တဲ့ motherboard လိုအပ်ပါတယ်။ တချို့ motherboard တွေမှာဆို M.2 slot နှစ်ခု၊ နှစ်ခုထက်ပိုပြီးပါဝင်တာမျိုးလဲ ရှိတတ်ပါတယ်။

2.5 inch ssd တွေအနေနဲ့ ရိုးရိုး hard drive တွေမှာအသုံးပြုခဲ့တဲံ SATA busကိုပဲအသုံးပြုပါတယ်။ ဒါကြောင့် computer, laptop တော်တော်များများမှာ HDD ကနေ 2.5 inch SSD တွေကိုပြောင်းသုံးရတာမှာ အခက်အခဲမရှိပါဘူး။
M.2 ssd တွေမှာတော့ SATA အသုံးပြုထားတဲ့ ssd တွေရှိသလို၊ PCIe အသုံးပြုထားတဲ့ ssd တွေလဲရှိပါတယ်။ ဒါ့အပြင် SATA model တွေထက် 5 ဆလောက်ပိုပြီးမြန်တဲ့ PCIe with NVME interface သုံးထားတဲ့ ssd တွေလဲရှိပါသေး တယ်။

ဒါကြောင့် M.2 ssd တွေကိုအမျိုးအစားခွဲလိုက်မယ်ဆိုရင် ….

M.2 SSD with SATA based
M.2 SSD with PCIe-based without NVMe support
M.2 SSD with PCIe-based with NVMe-support

ဆိုပြီးသုံးမျိုးခွဲလို့ရပါတယ်။ SATA based က speed အနှေးဆုံးဖြစ်ပြီး PCIe based with NVMe suport က အမြန်ဆုံးပါ။ ဒါကြောင့် ကိုယ့်ရဲ့ computer မှာ M.2 ssd ထပ်စိုက်မယ်ဆိုရင် motherboard က ဘယ်အမျိုးအစားကို support လုပ်သလဲဆိုတာကိုအရင်ဆုံးသိဖို့လိုအပ်မှာဖြစ်ပါတယ်။

SSD မဝယ်ခင်မှာ ကိုယ့် pc ရဲ့ motherboard model နဲ့ laptop model ကို Google မှာအရင်ရှာကြည့်ပြီး ဘယ်လို SSD အမျိုးအစားကို support လုပ်လဲဆိုတာကိုအရင်ရှာကြည့်ပြီးမှဝယ်တာကတော့ အကောင်းဆုံးပါပဲ။ အဲ့လိုမရှာတတ်ဘူးဆိုရင် ssd တစ်ခါတည်း replace လုပ်ပေးတဲ့ service မျိုးကို ရယူသင့်ပါတယ်။

ကိုယ့်ရဲ့ ကွန်ပြူတာလေးကို SSD ပြောင်းဖို့စဉ်းစားနေပြီဆိုရင်တော့ လိုချင်တဲ့ SSD(ဒါမှမဟုတ်)HD များကို Technoland မှာစိတ်ကြိုက်ရွေးချယ်ဝယ်ယူလို့ရနေပါပြီနော်။

နောက်ဆုံးထွက် iOS 15 မှာ ဘာတွေထူးခြားလာလဲ?

  • နောက်ဆုံးထွက် iOS 15 မှာ ဘာတွေထူးခြားလာလဲ?
    iOS 15 ကိုတင်လို့ရပြီဆိုတော့ ဘာ features အသစ်တွေပါလာမလဲ ဆိုတာကို စိတ်ဝင်စားနေကြမယ်လို့ထင်ပါတယ်။
    ဒီနေ့မှာတော့ iOS 15 မှာပါလာတဲ့ အမိုက်ဆုံး features အသစ် ၁၀ ခု
    အကြောင်းကိုပြောပေးထားပါတယ်။
    Apple အနေနဲ့ ဒီ update မှာ user တွေဘက်ကို တော်တော်ကို စဉ်းစားပေးထားပြီး အသုံးတဲ့ features တွေအများကြီးထည့်ပေးလာတာကိုတွေ့ရတယ်။ အဲ့ဒီ features တွေထဲကမှ အသုံးအဝင်ဆုံး အမိုက်ဆုံးလို့ထင်တဲ့ features ၁၀ မျိုးကို ပြောပြပေးမှာပါ။
    1. Android and Web-based FaceTime
    အရင်က FaceTime call တွေဟာ Apple user တွေအချင်းချင်းပဲအသုံးပြုလို့ရခဲ့တာပါ။ အခု အချိန်မှာတော့ Android နဲ့ PC user တွေပါ FaceTime call ကို join နိုင်တော့မှာဖြစ်ပါတယ်။ Apple device ကနေ FaceTime app ကိုဝင် “Create Link” ဆိုတာကိုနှိပ်ပြီး Android သို့မဟုတ် PC user တွေကို ပို့ပေးလိုက်ရင် သူတို့လဲအဲ့ဒီ room ကို join လို့ရသွားမှာပါ။ Join မယ့်သူအနေနဲ့ကတော့ နာမည် ရိုက်ပေးဖို့လိုပြီး FaceTime room creator က approve ပေးဖို့လဲလိုအပ်ပါလိမ့်မယ်။ ဒါကတော့ approval မရတဲ့တခြားသူတွေဝင်လို့မရအောင်ပါ။ Android နဲ့ PC user တွေ join လို့ရပြီဆိိုပေမယ့် FaceTime Room ကို create လုပ်ဖို့နဲ့ participants တွေကို approve ပေးဖို့က iOS devices တွေမှာပဲ လုပ်လို့ရမယ်လို့သိရပါတယ်။
    2. Notification Summary
    Notification အများကြီးကို ပြန့်ကျဲပြီးမြင်နေရတာအဆင်ပြေမနေပါဘူး။ အထူးသဖြင့် သိပ်အရေးမကြီးတဲ့ notification တွေဆိုရင်အာရုံတော်တော်နောက်ပါတယ်။ iOS 15 မှာပါလာတဲ့ Notification Summary features မှာတော့ အဲ့လို အရေးမကြီးတဲ့ app တွေက noti တွေကိုသတ်မှတ်ထား တဲ့အချိန်မှာပဲ ပေါ်လာအောင်လုပ်ထားလို့ရပါပြီ။ အရေးကြီးတဲ့ notification တွေကိုတော့ Notification Summary features ကိုကျော်ပြီး တန်းပေါ်အောင်လုပ်ထားလို့ရမှာပါ။ ဆိုတော့ instagram likes , game pop ups, news alerts နဲ့တခြား အရေးမကြီးတာတွေကို ည မှပဲစုပြီး notification summary အနေနဲ့ ပြန်ကြည့်လို့အဆင်ပြေသွားပါပြီ။ Settings > Notification ထဲကိုသွားပြီး on လုပ်ထားလို့ရသလို ၊ summary ကိုပြပေးမယ့် အချိန်နဲ့ bypass လုပ်မယ့် app တွေကိုလဲရွေးလို့ရမှာဖြစ်ပါတယ်။
    3. Tab Groups
    Safari ရဲ့ design အပြောင်းအလဲတွေကြားမှာ ငြင်းခုံမှုတွေရှိခဲ့ပြီး design ဘက်ကိုလူတွေအာရုံ ရောက်နေခဲ့တဲ့အတွက် Tab Groups လို feature မျိုးကိုသိပ်သတိမထားမိကြပါဘူး။ Tab group ကိုသုံး ပြီး ဖွင့်ထားတဲ့ tabs တွေအကုန်လုံးကို folder တစ်ခုအနေနဲ့ save ထား၊ လိုအပ်တဲ့အချိန်မှပဲအကုန်လုံး ကိုတစ်ခါတည်းပြန်ဖွင့်လို့ရပါတယ်။ ဒါက ခရီးတစ်ခုခုသွားဖို့ website တွေကြည့်ထားတာမျိုးပဲဖြစ်ဖြစ်၊ အလုပ်အတွက်သုံးရတဲ့ website တွေအကုန်လုံးကိုတစ်ခါတည်းဖွင့်ချင်တာပဲဖြစ်ဖြစ်တော်တော်လေး အဆင်ပြေစေတဲ့ feature ပါ။ Safari မှာ tab view ကိုဖွင့် အလယ်မှာရှိတဲ့ tabs icon ကိုနှိပ်လိုက်ရင် open tabs တွေကို tab group ထဲ save လို့ရပါပြီ။ save ထားတဲ့ tabs gropus တွေကို ပြန်ဖွင့်ရင်လဲအဲ့လိုပဲဖွင့်ရမှာပါ။
    4. On-Device and Offline Siri
    Siri ကအရင်ကလို apple servers တွေကိုအရမ်းမှီခိုတာမျိုးမရှိတော့ဘဲ request အများစုကို device ပေါ်မှာပဲ process လုပ်တော့မှာဖြစ်တဲ့အတွက် ပိုမြန်သွားသလို ပိုလဲလုံခြုံသွားပါတယ်။ ပြီးတော့ ကိုယ့်ရဲ့ device ပေါ်မှာ Siri သုံးတာအချိန်ကြာလာတာနဲ့အမျှ ခိုင်းစေချက်တွေကို ပိုနားလည်လာမယ်၊ အဆက်အသွယ်လုပ်နေကျ contact တွေကိုသိလာမယ်၊ သုံးနေကျစကားလုံးတွေကို သိလာမယ် လို့လဲ ဆိုပါတယ်။ ဒါပေမယ့် ဖုန်းအကုန်လုံးမှာ support မလုပ်တဲ့အတွက် On-device Siri ကို A12 Bionic chip နဲ့အထက်သုံးထားတဲ့ iPhones နဲ့ iPad တွေမှာသုံးလို့ ရမှာပါ။ Device ပေါ်မှာပဲ process လုပ်တာဖြစ်တဲ့ အတွက် Timer, alarm, apps launch နဲ့ audio playback တွေကို control လုပ်တာတွေကို အင်တာနက်မလိုဘဲ offline သုံးလို့ရသွားပါပြီ။
    5. Live Text
    Photos ထဲမှာဖြစ်ဖြစ်၊ camera ကနေ preview ကြည့်နေတာပဲဖြစ်ဖြစ် web ပေါ်က image တစ်ခုခုကိုကြည့်နေတာပဲဖြစ်ဖြစ် စာတွေ ပါလာခဲ့ရင် အဲ့ဒီစာကို highlight လုပ်ပြီး copy ကူးတာ၊ အဓိပ္ပါယ်သိအောင် look up လုပ်တာ၊ translate လုပ်တာ၊ share လုပ်တာမျိုးကို တိုက်ရိုက်လုပ်လို့ရတော့မှာဖြစ်ပါတယ်။ ဆိုတော့ ကျောင်းက စာတွေကို ဓာတ်ပုံရိုက်စရာမလိုဘဲ တန်းပြီး copy ကူး note ထဲတန်းထည့်လို့ရသွားမယ့်သဘောဖြစ်ပါတယ်။
    6. System-Wide Translation
    Translate က အခု iOS 15 သုံးထားတဲ့ device ရဲ့ ဘယ်နေရာမှာမဆို system-wide အလုပ်လုပ်တော့မှာ ဖြစ်ပါတယ်။ ဆိုတော့ text ကို select ပြီးတာနဲ့ ကြိုက်တဲ့နေရာမှာ translate လုပ်လို့ရနေမှာပါ။ လောလောဆယ် support လုပ်တဲ့ Language တွေကတော့ Arabic, Chinese, English (UK and US), French, German, Italian, Japanese, Korean, Portuguese, Russian, နဲ့ Spanish တွေပါ။
    7. Health app Trends
    Health application မှာTrends ဆိုတဲ့ section အသစ်တစ်ခုပါလာပြီး ကိုယ့်ရဲ့ health trends ကိုပြပေးထား မှာဖြစ်ပါတယ်။ ဆိုတော့ exercise ပိုလုပ်ဖြစ်နေလား၊ heart rate အပြောင်းအလဲတွေက ဘယ်လိုလဲ၊ oxygen level ရောပိုကောင်းလာသလား ဆိုတာမျိုးတွေကို တစ်ချက်ကြည့်လိုက်တာနဲ့ သိရ တော့မှာပါ။ Health record တွေကို family members တွေဆီပို့လို့ရမယ့် sharing features လဲပါပါတယ်။
    8. Find Device even if its powered off
    အရင်ကဆို iPhone ပျောက်သွားတာဖြစ်ဖြစ်၊ အခိုးခံရတာဖြစ်ဖြစ် power ပိတ်လိုက်ရင် find device ဖွင့် ထားလဲ ရှာဖို့တော်တော်ကိုခက်သွားပါတယ်။ အခု update မှာတော့ Find My application ကိုသုံးပြီး power ပိတ်ထားတဲ့ iPhone တွေကိုပါရှာလို့ရအောင်လုပ်ပေးလိုက်ပါပြီ။ ဆိုတော့ သူခိုးက ခိုးသွားပြီး power ပိတ်ထားလဲ ရှာရတာအရင်ကထက် ပိုလွယ်သွားမှာပါ။ Apple ရဲ့ U1 chip ကိုသုံးထားတဲ့ iOS devices တွေမှာပဲ အသုံးပြုလို့ရမှာဖြစ်ပြီး Power ပိတ်ထားတဲ့ iPhone ရဲ့ အနီးအနားမှာတော့ တခြား active ဖြစ်နေတဲ့ iOS device တစ်ခုခုရှိနေဖို့လိုအပ်မယ်လို့ဆိုပါတယ်။ ဆိုတော့ iPhone 11 နဲ့အထက် မှာပဲ ဒီ feature ကိုသုံးလို့ရမှာပါ။
    9. Drag and Drop
    iOS 15 မှာနောက်ထပ်မိုက်တဲ့ feature တစ်ခုက Cross-app Drag and Drop ပါ။ Application တစ်ခုကနေ images, links, highlighted text, files စတာတွေကို drag လုပ်ပြီး တခြား app တွေထဲကို ဆွဲထည့်လို့ရသွားပါပြီ။ ဥပမာ – safari က link တစ်ခုကိုတခြားသူတွေကို message ပို့ချင်တယ်ဆို link ကိုဖိဆွဲထားပြီး message app ထဲဝင် drop လုပ်လိုက်ရုံပါပဲ။ဒီ feature ကို iPad တွေပေါ်မှာ သုံးလို့ရနေ တာကြာပေမယ့် iPhone တွေမှာတော့ iOS 15 မှစပြီးပါလာတာပါ။
    10. Built-in Authenticator
    Setting ရဲ့ Password ဆိုတဲ့ section မှာ two-factor verification code တွေမှတ်လို့ရတဲ့ built-in authenticator ပါလာပါတယ်။ ဆိုတော့ Google Authenticator လိုမျိုး secondary app တွေကို မှီခိုစရာ မလိုတော့ပါဘူး။ Setup လုပ်ဖို့လဲ တခြား authentication app တွေလိုမျိုးပဲ QR code ဒါမှမဟုတ် setup key ကိုသုံးရမှာပါ။ Setup လုပ်ပြီးသွားရင် Safari မှာဆို autofill function ပါတစ်ခါတည်းသုံးလို့ရတာဖြစ်တဲ့အတွက် တော်တော်လေး convenient ဖြစ်ပါတယ်။
    ကဲ စာဖတ်သူတွေကရော ဒီ features တွေထဲမှာ ဘယ်ဟာကို အသုံးအဝင်ဆုံးလို့ထင်လဲ ? အကြိုက်ဆုံး ဖြစ်မလဲ? iOS 15 ကိုရောတင်ပြီးကြပြီလားဗျို့။
    Ref; https://www.macrumors.com/guide/ios-15-features/

Apple September Event မှာဘာတွေမိတ်ဆက်သွားလဲ ?

Apple Sept 14 Event မှာဘာတွေမိတ်ဆက်သွားလဲ? iPhone 13 ကို upgrade လုပ်ရမလား?
မနေ့ညက ကျင်းပခဲ့တဲ့ apple ရဲ့ product event မှာ iPad အသစ် ၂ မျိုးရယ်၊ iPhone အသစ် (၄) မျိုးရယ်၊ Apple Watch အသစ်ရယ်ကို မိတ်ဆက်သွားတယ်။ ဆိုတော့ ဘာတွေထူးမလဲ? အရင် model တွေနဲ့ ဘာတွေကွာသွားမလဲ ဆက်ကြည့်ရအောင်…
ပထမဆုံးအနေနဲ့ ဒီ event ရဲ့ ဇာတ်လိုက်လို့ပြောရမယ့် iPhone 13 တွေအကြောင်းအရင်စပြောရမယ်။ ဈေးတွေက iPhone 12 ထွက်တုန်းကနဲ့အတူတူပဲ
iPhone 13 mini – 699$
iPhone 13 – 799$
iPhone 13 Pro – 999$
iPhone 13 Pro Max – 1099$ ဆိုပြီးသတ်မှတ်ထားတယ်။
iPhone 12 နဲ့ အပြင်ပိုင်း design သိပ်ပြောင်းလဲသွားတာမရှိဘူး။
ထူးခြားတာဆိုလို့ camera layout က ဒေါင်လိုက်မဟုတ်တော့ဘဲ ဘေးစောင်းဖြစ်သွားတာရယ်၊
Notch 20% လောက်ပိုသေးသွားတာပဲရှိလိမ့်မယ်။ တခြားအနေနဲ့လဲspecification တွေပိုကောင်းလာတယ်၊ features အသစ်တွေပါလာတာရယ်လောက်ပဲတိုးတက်လာတယ်။
ပြီးတော့ ဒီနှစ်မှာ apple ကနည်းနည်းအကျင့်ယုတ်ထားတယ်လို့ပဲပြောရမလား၊ android lower end ဖုန်းတွေမှာတောင် high refresh rate display တွေပါနေတဲ့အချိန်မှာ iPhone 13 Pro တွေမှာပဲ 120Hz promotion display ကို ထည့်ပေးထားတယ်။
Apple ရဲ့ Pro motion technology အရအမြဲတမ်း 120Hz ဖြစ်နေမှာမဟုတ်ဘဲ adaptive ဖြစ်မှာဖြစ်တဲ့အတွက် 10Hz ကနေ 120Hz အတွင်းပြောင်းနေမှာဖြစ်ပြီး battery စားသက်သာလိမ့်မယ်လို့လဲဆိုတယ်။
Pro မဟုတ်တဲ့ version တွေမှာတေ့ာ 60Hz ပဲရလိမ့်မယ်။ ဒါက 60Hz နဲ့သုံးနေကျ normal iPhone user တွေအတွက်သိသာမှာမဟုတ်ပေမယ့် high refresh rate ကိုသုံးဖူးနေကျသူတွေအတွက်တော့အဆင်ပြေမှာမဟုတ်ဘူး။ Pro version ဝယ်မှပဲအဆင်ပြေမယ့်သဘောဖြစ် သွားတယ်။
Camera ပိုင်းမှာလဲအရင် iPhone 12 တုန်းကလိုပဲ mini နဲ့ ရိုးရိုး iPhone 13 မှာ main sensor ရယ်၊ wide angle shooter ရယ်ပဲထည့်ပေးထားပြီး Pro model တွေမှာ telephoto camera တစ်လုံးအပိုပါမယ်။ ပြီး တော့ Pro နဲ့ Pro max version မှာ ultra-wide camera က f/2.4 ကနေ f/1.8 aperture lens ကို upgrade လုပ်ပေးထားတယ်။ ဆိုတော့ low light မှာပိုကောင်းလာလိမ့်မယ်။ တခြားပြောင်းလဲတာမျိုးတော့မရှိဘူး။
Cinematic mode လို့ခေါ်တဲ့ camera mode အသစ်တစ်မျိုးပါလာတယ်။ အဲ့ဒီ mode နဲ့ Hollywood ဇာတ်ကားတွေကလို Bokeh video တွေရိုက်လို့ရမယ်၊ ပြီးတော့ main lens တစ်ခုတည်းကပဲ night mode ရတာမျိုးမဟုတ်ဘဲ camera အကုန်လုံးမှာ night mode ရိုက်လို့ရအောင်လုပ်ပေးလိုက်တယ်။ ဒီနှစ်ကုန် လောက်ကျရင် Pro variant တွေမှာ Pro-Res video တွေလဲရိုက်လို့ရလာဖို့ရှိတယ်။ ဆိုတော့ camera နဲ့ ပတ်သက်ပြီးအရမ်းကြီး သဘောကျလောက်စရာ ကြီးကြီးမားမားပြောင်းလဲတာမျိုးတော့မရှိဘူး။ Cinematic mode လောက်ပဲအသစ်အဆန်းဖြစ်မယ်ပေါ့နော်။
Battery ပိုကောင်းလာတာကတော့ iPhone 13 တွေရဲ့အားသာချက်ထဲမှာပါတယ်။ Battery capacity ကိုပိုများများ ထည့်ပေးထားတယ်။ သုံးထားတဲ့ A15 bionic chip ကလဲ battery efficient ပိုဖြစ်မှာဖြစ်တဲ့ အတွက် အရင် iPhone တွေထက် 10 to 20% အားပိုခံလာမယ်လို့ဆိုတယ်။ ထုံးစံအတိုင်းပဲ charger ကတော့မပါတော့ဘူး သပ်သပ်ပြန်ဝယ်ရမှာပါ။
နောက်ထပ် အပြောင်းအလဲကတော့ Storage ပိုင်းမှာ iPhone 13 နဲ့ iPhone 13 mini ရဲ့အနိမ့်ဆုံး capacity က 128 GB ဖြစ်သွားပြီး အမြင့်ဆုံး 512 GB အထိဖြစ်သွားတယ်။ Pro model တွေမှာ 1TB အထိ ရွေးချယ်လို့ရမယ်။
#AppleWatch7 ကိုလဲမိတ်ဆက်သွားပြီး ထူးခြားချက်က အရင်နှစ်က model ထက်စာရင် display ပိုကြီးလာမယ်၊ brightness ပိုများမယ်၊ ဘေးဘောင်တွေပိုသေးသွားမယ်၊ charging ပိုမြန်လာမယ်။ Battery life ပိုကောင်းမလာတာကတော့ ဝမ်းနည်းစရာပဲ။ ဈေးနှုန်းက $399 ကနေစပါမယ်။
နောက်ထပ်မိတ်ဆက်သွားတဲ့ Product ကတော့ iPad 9 ပါ။ အရင် model ရဲ့ A12 chip ကနေ A13 bionic ကိုအဆင့်မြှင့်ပေးထားတယ်၊ front camera က 12 MP ဖြစ်သွားပြီး Center Stage feature ပါလာမယ်၊ low light နည်းနည်းပိုကောင်းမယ်။ ဈေးနှုန်းက $329 ကနေစပါမယ်။
2019 ကတည်းကနေ ထွက်တာရပ်သွားတဲ့ iPad mini ကိုလဲဒီနှစ်မှာအသစ်ထပ်ထုတ်ပေးလိုက်တယ်။ edge-to-edge full screen display ဖြစ်သွားပြီး iPad Air အသစ်မှာလိုမျိုး touch id ကအပေါ်ရောက် သွားတယ်။ Center Stage video နဲ့ Apple pencil support လဲရမယ်။ ဈေးက $499 ပါ။
ဒါလေးက တော်တော်မဆိုးဘူး။ Form factor အရမ်းမကြီးဘဲ 8.3 inch display ဖြစ်နေတဲ့အတွက်ကိုင်ရတာ တော်တော်အရသာရှိမယ့်ပုံပဲ။ Type C ဖြစ်သွားတာလဲမိုက်တယ်။ အရင် iPad mini တွေကိုသဘောကျခဲ့တဲ့သူတွေအတွက် A15 bionic ရော၊ edge to edge display ရောပါတဲ့ mini 6 လေးက ရွေးချယ်ချင်စရာဖြစ်လာပါလိမ့်မယ်။
ဆိုတော့ အကျဉ်းချုပ်အရင်ပြောထားရရင် လက်ရှိ iPhone 12 series ကိုင်ထားတဲ့သူတွေအနေနဲ့အရမ်းမက်လောက်စရာမရှိဘူး။ 120 Hz promotion display ကိုမှ မမက်ရင် upgrade လုပ်ဖို့ သိပ်မတန်သေးတဲ့သဘောရှိတယ်။ ဟိုးအရင် 11 တို့ X တို့ကိုင်တဲ့သူတွေ နဲ့ ခုမှ iPhone စကိုင်မယ့်သူ တွေအတွက်ကတော့ iPhone 13 series ဖုန်းတွေက ရွေးချယ်သင့်တဲ့ဖုန်းတွေပါပဲ။
ကျန်တဲ့ watch 7 နဲ့ iPad 9 ကလဲ အရမ်းကြီးထူးခြားနေတာမျိုးမဟုတ်ဘူး။ အရင် model တွေကိုင်နေတဲ့သူတွေက နောက်နှစ် ဘာတွေပါလာမလဲထပ်စောင့်လို့ရသေးတယ်။ iPad mini လေးကတော့ ခပ်သေးသေး tablet ပုံစံမျိုးတွေကြိုက်တယ်ဆို ဝယ်သင့်တဲ့ device လို့ recommend ပေးလို့ရပါတယ်။
https://www.androidauthority.com/apple-iphone-13…/Apple Sept 14 Event မှာဘာတွေမိတ်ဆက်သွားလဲ? iPhone 13 ကို upgrade လုပ်ရမလား?
မနေ့ညက ကျင်းပခဲ့တဲ့ apple ရဲ့ product event မှာ iPad အသစ် ၂ မျိုးရယ်၊ iPhone အသစ် ၄ မျိုးရယ်၊ Apple Watch အသစ်ရယ်ကို မိတ်ဆက်သွားတယ်။ ဆိုတော့ ဘာတွေထူးမလဲ? အရင် model တွေနဲ့ ဘာတွေကွာသွားမလဲ ဆက်ကြည့်ရအောင်…
ပထမဆုံးအနေနဲ့ ဒီ event ရဲ့ ဇာတ်လိုက်လို့ပြောရမယ့် iPhone 13 တွေအကြောင်းအရင်စပြောရမယ်။ ဈေးတွေက iPhone 12 ထွက်တုန်းကနဲ့အတူတူပဲ –
iPhone 13 mini – 699$
iPhone 13 – 799$
iPhone 13 Pro – 999$
iPhone 13 Pro Max – 1099$
ဆိုပြီးသတ်မှတ်ထားတယ်။
iPhone 12 နဲ့ အပြင်ပိုင်း design သိပ်ပြောင်းလဲသွားတာမရှိဘူး။ ထူးခြားတာဆိုလို့ camera layout က ဒေါင်လိုက်မဟုတ်တော့ဘဲ ဘေးစောင်းဖြစ်သွားတာရယ်၊Notch 20% လောက်ပိုသေးသွားတာပဲရှိလိမ့်မယ်။ တခြားအနေနဲ့လဲspecification တွေပိုကောင်းလာတယ်၊ features အသစ်တွေပါလာတာရယ်လောက်ပဲတိုးတက်လာတယ်။
ပြီးတော့ ဒီနှစ်မှာ apple ကနည်းနည်းအကျင့်ယုတ်ထားတယ်လို့ပဲပြောရမလား၊ android lower end ဖုန်းတွေမှာတောင် high refresh rate display တွေပါနေတဲ့အချိန်မှာ iPhone 13 Pro တွေမှာပဲ 120Hz promotion display ကို ထည့်ပေးထားတယ်။ Apple ရဲ့ Pro motion technology အရအမြဲတမ်း 120Hz ဖြစ်နေမှာမဟုတ်ဘဲ adaptive ဖြစ်မှာဖြစ်တဲ့အတွက် 10Hz ကနေ 120Hz အတွင်းပြောင်းနေမှာဖြစ်ပြီး battery စားသက်သာလိမ့်မယ်လို့လဲဆိုတယ်။ Pro မဟုတ်တဲ့ version တွေမှာတေ့ာ 60Hz ပဲရလိမ့်မယ်။ ဒါက 60Hz နဲ့သုံးနေကျ normal iPhone user တွေအတွက်သိသာမှာမဟုတ်ပေမယ့် high refresh rate ကိုသုံးဖူးနေကျသူတွေအတွက်တော့အဆင်ပြေမှာမဟုတ်ဘူး။ Pro version ဝယ်မှပဲအဆင်ပြေမယ့်သဘောဖြစ် သွားတယ်။
Camera ပိုင်းမှာလဲအရင် iPhone 12 တုန်းကလိုပဲ mini နဲ့ ရိုးရိုး iPhone 13 မှာ main sensor ရယ်၊ wide angle shooter ရယ်ပဲထည့်ပေးထားပြီး Pro model တွေမှာ telephoto camera တစ်လုံးအပိုပါမယ်။ ပြီး တော့ Pro နဲ့ Pro max version မှာ ultra-wide camera က f/2.4 ကနေ f/1.8 aperture lens ကို upgrade လုပ်ပေးထားတယ်။ ဆိုတော့ low light မှာပိုကောင်းလာလိမ့်မယ်။ တခြားပြောင်းလဲတာမျိုးတော့မရှိဘူး။
Cinematic mode လို့ခေါ်တဲ့ camera mode အသစ်တစ်မျိုးပါလာတယ်။ အဲ့ဒီ mode နဲ့ Hollywood ဇာတ်ကားတွေကလို Bokeh video တွေရိုက်လို့ရမယ်၊ ပြီးတော့ main lens တစ်ခုတည်းကပဲ night mode ရတာမျိုးမဟုတ်ဘဲ camera အကုန်လုံးမှာ night mode ရိုက်လို့ရအောင်လုပ်ပေးလိုက်တယ်။ ဒီနှစ်ကုန် လောက်ကျရင် Pro variant တွေမှာ Pro-Res video တွေလဲရိုက်လို့ရလာဖို့ရှိတယ်။ ဆိုတော့ camera နဲ့ ပတ်သက်ပြီးအရမ်းကြီး သဘောကျလောက်စရာ ကြီးကြီးမားမားပြောင်းလဲတာမျိုးတော့မရှိဘူး။ Cinematic mode လောက်ပဲအသစ်အဆန်းဖြစ်မယ်ပေါ့နော်။
Battery ပိုကောင်းလာတာကတော့ iPhone 13 တွေရဲ့အားသာချက်ထဲမှာပါတယ်။ Battery capacity ကိုပိုများများ ထည့်ပေးထားတယ်။ သုံးထားတဲ့ A15 bionic chip ကလဲ battery efficient ပိုဖြစ်မှာဖြစ်တဲ့ အတွက် အရင် iPhone တွေထက် 10 to 20% အားပိုခံလာမယ်လို့ဆိုတယ်။ ထုံးစံအတိုင်းပဲ charger ကတော့မပါတော့ဘူး သပ်သပ်ပြန်ဝယ်ရမှာပါ။
နောက်ထပ် အပြောင်းအလဲကတော့ Storage ပိုင်းမှာ iPhone 13 နဲ့ iPhone 13 mini ရဲ့အနိမ့်ဆုံး capacity က 128 GB ဖြစ်သွားပြီး အမြင့်ဆုံး 512 GB အထိဖြစ်သွားတယ်။ Pro model တွေမှာ 1TB အထိ ရွေးချယ်လို့ရမယ်။
Apple Watch 7 ကိုလဲမိတ်ဆက်သွားပြီး ထူးခြားချက်က အရင်နှစ်က model ထက်စာရင် display ပိုကြီးလာမယ်၊ brightness ပိုများမယ်၊ ဘေးဘောင်တွေပိုသေးသွားမယ်၊ charging ပိုမြန်လာမယ်။ Battery life ပိုကောင်းမလာတာကတော့ ဝမ်းနည်းစရာပဲ။ ဈေးနှုန်းက $399 ကနေစပါမယ်။
နောက်ထပ်မိတ်ဆက်သွားတဲ့ Product ကတော့ iPad 9 ပါ။ အရင် model ရဲ့ A12 chip ကနေ A13 bionic
ကိုအဆင့်မြှင့်ပေးထားတယ်၊ front camera က 12 MP ဖြစ်သွားပြီး Center Stage feature ပါလာမယ်၊ low light နည်းနည်းပိုကောင်းမယ်။ ဈေးနှုန်းက $329 ကနေစပါမယ်။
2019 ကတည်းကနေ ထွက်တာရပ်သွားတဲ့ iPad mini ကိုလဲဒီနှစ်မှာအသစ်ထပ်ထုတ်ပေးလိုက်တယ်။ edge-to-edge full screen display ဖြစ်သွားပြီး iPad Air အသစ်မှာလိုမျိုး touch id ကအပေါ်ရောက် သွားတယ်။ Center Stage video နဲ့ Apple pencil support လဲရမယ်။ ဈေးက $499 ပါ။ ဒါလေးက တော်တော်မဆိုးဘူး။ Form factor အရမ်းမကြီးဘဲ 8.3 inch display ဖြစ်နေတဲ့အတွက်ကိုင်ရတာ တော်တော်အရသာရှိမယ့်ပုံပဲ။ Type C ဖြစ်သွားတာလဲမိုက်တယ်။ အရင် iPad mini တွေကိုသဘောကျခဲ့တဲ့သူတွေအတွက် A15 bionic ရော၊ edge to edge display ရောပါတဲ့ mini 6 လေးက ရွေးချယ်ချင်စရာဖြစ်လာပါလိမ့်မယ်။
ဆိုတော့ အကျဉ်းချုပ်အရင်ပြောထားရရင် လက်ရှိ iPhone 12 series ကိုင်ထားတဲ့သူတွေအနေနဲ့အရမ်းမက်လောက်စရာမရှိဘူး။ 120 Hz promotion display ကိုမှ မမက်ရင် upgrade လုပ်ဖို့ သိပ်မတန်သေးတဲ့သဘောရှိတယ်။ ဟိုးအရင် 11 တို့ X တို့ကိုင်တဲ့သူတွေ နဲ့ ခုမှ iPhone စကိုင်မယ့်သူ တွေအတွက်ကတော့ iPhone 13 series ဖုန်းတွေက ရွေးချယ်သင့်တဲ့ဖုန်းတွေပါပဲ။ ကျန်တဲ့ watch 7 နဲ့ iPad 9 ကလဲ အရမ်းကြီးထူးခြားနေတာမျိုးမဟုတ်ဘူး။ အရင် model တွေကိုင်နေတဲ့သူတွေက နောက်နှစ် ဘာတွေပါလာမလဲထပ်စောင့်လို့ရသေးတယ်။ iPad mini လေးကတော့ ခပ်သေးသေး tablet ပုံစံမျိုးတွေကြိုက်တယ်ဆို ဝယ်သင့်တဲ့ device လို့ recommend ပေးလို့ရပါတယ်။

Dual monitors setup ကိုအသုံးပြုသင့်တဲ့အချက်တွေ

  • သင့်အနေနဲ့အိမ်က monitor လေးဟောင်းနေလို့အသစ်ဝယ်တော့မယ်စိတ်ကူးရင်တော့ အဟောင်းကိုပြန်ရောင်းတာဖြစ်ဖြစ်၊ ချောင်ထိုးထားတာဖြစ်ဖြစ်မလုပ်ပဲ အသစ်တစ်လုံးနဲ့ တွဲပြီး Monitor ၂ လုံးတစ်ပြိုင်တည်းသုံးတဲ့ dual monitor setup အနေနဲ့ အသုံးပြုကြည့်ဖို့အကြံပေးချင်ပါတယ်။ dual monitor အသုံးပြုဖို့အတွက်က ပုံမှန်အားဖြင့် ဈေးကြီးတဲ့ GPU တွေ မလိုအပ်ပါဘူး။ Motherboard မှာပါတဲ့ VGA နဲ့ HDMI ပေါက်တွေမှာပဲ monitor နှစ်ခုကိုတပ်လိုက်လို့ရပါ တယ်။ Dual monitor setup ကိုသုံးခြင်းအားဖြင့်….
  • 1. Productivity ကိုတိုးလာစေပါတယ်လေ့လာချက်တွေအရ dual monitor နဲ့အလုပ်လုပ်တဲ့သူတွေဟာ 20%-50%အထိ productivity မှာတိုးတက်လာကြောင်းတွေ့ရှိရပါတယ်။ ဥပမာအနေနဲ့ပြောရရင် computer programmer တွေအနေနဲ့ screen တစ်ခုကို source coding အတွက်အသုံးပြုပြီး နောက်တစ်ခုကို programming အတွက်အသုံးပြုလိုက် ရင် tabs တစ်ခုနဲ့တစ်ခုကြားပြောင်းရွှေ့ပြီး ကြည့်နေစရာမလိုအပ်တော့ပါဘူး။ အလုပ်လုပ်ရတာ ပိုမြန်သွားသလို အမှားတွေလဲနည်းသွားစေပါတယ်။ အဲ့လိုပဲ စာရိုက်ရင်းနဲ့ web browsing လုပ်တာတို့၊ excel သုံးရင်း စာရင်းတွေစစ်တာတို့မှာ monitor 2 ခုနဲ့သုံးတာက အများကြီး ပို အထောက်အကူဖြစ်ပါလိမ့်မယ်။
  • 2. Multitasking ပိုကောင်းလာပါတယ်။Multitasking ဆိုတာ အလုပ်အများကြီးကိုတစ်ပြိုင်တည်းလုပ်တာကိုခေါ်တာပါ။ ဥပမာ video ကြည့် နေရင်းနဲ့ mail စစ်တာ၊ facebook သုံးတာမျိုးပေါ့။ အဲ့လိုမျိုး multiple application တွေကို တစ်ပြိုင်တည်းဖွင့် ထားဖို့အတွက် monitor တစ်ခုတည်းက သိပ်မလုံလောက်ပါဘူး။ ဒါကြောင့် multitasking အတွက် dual monitor setup က တကယ်ကိုအသုံးဝင်ပါတယ်။
  • 3. Cutting တို့ Pasting တို့လုပ်ရာမှာပိုလွယ်ကူစေပါတယ် စာကြောင်းတွေကို copy , cut, paste လုပ်တဲ့အချိန်မျိုးမှာ montor ၂ ခုလုံးကိုတစ်ပြိုင်တည်းမြင် နေရတာက အမှားပိုနည်းသွားစေပါတယ်။ ဥပမာ- powerpoint အတွက်ပြင်ဆင်တာမျိုး၊ ကျောင်း assignment အတွက်စာရေးရတာမျိုးဆို စာတွေ copy paste လုပ်ရတာတော်တော်လွယ်သွားပါ လိမ့်မယ်။
  • 4. Image and video editing အတွက် ပိုအဆင်ပြေစေပါတယ် Dual monitor setup နဲ့ဆိုရင် သင် edit လုပ်နေတဲ့ video ဒါမှမဟုတ် image ပေါ်မှာ editing tools တွေထပ်နေတာမျိုးကို တာ့တာလုပ်လိုက်လို့ရပါပြီ။ Editing tools တွေကို screen တစ်ခုမှာထားလိုက်ပြီး image ဒါမှမဟုတ် video ကိုတခြား screen တစ်ခုပေါ်မှာထားလိုက်ရင် ပိုပြီးရှင်းရှင်းလင်းလင်းမြင်ရသလို အလုပ်လုပ်ရတာလဲအများကြီးပိုအဆင်ပြေသွားပါတယ်။
  • 5. Product တွေယှဉ်ကြည့်ရတာပိုကောင်းစေတယ်။ သင်ဟာတကယ်လို့ product နှစ်ခုကိုနှိုင်းယှဉ်ပြီး လုပ်ရတဲ့ အလုပ်မျိုးလုပ်တဲ့သူဆိုလို့ရှိရင် monitor တစ်ခုတည်းမှာ product တစ်ခုကိုကြည့်ပြီး spec တွေမှတ်ပြီးရင် နောက် tab တစ်ခုက product တစ်ရဲ့ spec တွေနဲ့သွားနှိုင်း ယှဉ်ရမှာ တော်တော်ကိုစိတ်ညစ်ဖို့ကောင်းပါတယ်။ dual monitor နဲ့ဆိုရင်တော့ product နှစ်ခုလုံးကို side by side ထားပြီး သေချာ compare လုပ်လို့ရနိုင်ပြီး ကွဲပြားချက်တွေ၊ ဘယ်ဟာပိုကောင်းတယ်ဆိုတဲ့ဟာတွေ သေချာမြင်နိုင်ပါတယ်။
  • 6. Game ဆော့ရတာပိုကောင်းစေတယ် Monitor တစ်ခုတည်းမှာဂိမ်းဆော့တာထက်စာရင် monitor နှစ်ခုမှာဂိမ်းဆော့ရတာပိုကောင်းတာက တော့သေချာပါတယ်။ တချို့ gamer တွေဆို triple monitor setup တွေတောင်လုပ်ထားကြတာတွေ့ရပါတယ်။ ဥပမာအနေနဲ့ပြောရရင် သင်ဟာ map awareness အားနည်းတဲ့သူဆိုရင် mini-map ကို တခြား monitor ပေါ်မှာ အကြီးကြီးပေါ်နေစေတာမျိုးက အဆင်ပြေစေမှာပါ။ dual monitor နဲ့ဆိုရင် screen size လဲပိုကြီးသွား လို့ ပိုပြီး immersive ဖြစ်တဲ့ experience ကိုရစေပါတယ်။ ဒါမှမဟုတ်လဲ monitor တစ်ခုနဲ့ game ဆော့နေတုန်းမှာ တခြား monitor မှာ gaming content တွေ၊ guide တွေဖွင့်ထားလို့ရတာက အားသာချက်တစ်ခုပါပဲ။
  • ဆိုတော့ monitor အဟောင်းက သုံးလို့ရနေသေးတယ်ဆိုရင် အသစ်ထပ်ဝယ်တိုင်း monitor အဟောင်းကိုဖြုတ်ပစ်တာမျိုးထက် ၂ ခုလုံးကိုတပ်ထားပြီး dual monitor setup ဆင်ထားတာမျိုးလုပ်ကြည့်ဖို့အကြံပေးချင်ပါတယ်။

Laptop မဝယ်ခင်စဉ်းစားသင့်တဲ့အချက်များ …

  • အခုလိုမျိုး အိမ်ကနေပဲအလုပ်လုပ်ရတဲ့ work from home အနေအထားမှာ လူတော်တော်များများအတွက် laptop တစ်လုံးကတော့အနည်းဆုံးလိုလာပါပြီ။ ဆိုတော့ ကိုယ်နဲ့ကိုက်ညီတဲ့ laptop တစ်လုံးကိုဘယ်လိုရွေး ချယ်ဝယ်ယူရမလဲ? မဝယ်ခင်မှာဘယ်အချက်တွေထည့်စဉ်းစားရမလဲဆိုတာကို ဒီ article လေးမှာပြောပြပေး ပါမယ်။
  • Laptop တစ်ခုဝယ်တော့မယ်ဆိုရင် အရင်ဆုံးစဉ်းစားရမှာကတော့ ကိုယ်ဘယ်လောက်သုံးမလဲဆိုတာပါပဲ။ ကိုယ် သုံးမယ့် ငွေအနေအထားပေါ်မူတည်ပြီး အဲ့ဒီထဲကမှအကောင်းဆုံးဖြစ်မယ်ထင်ရတဲ့ laptop ကိုရွေးရမှာဆိုတော့ ဒီအချက်ကအရမ်းအရေးကြီးပါတယ်။ ဒီနေရာမှာ မြင်သာအောင်အကြမ်းဖျင်းပြောပြရရင် budget laptop တစ် လုံးက ၄ သိန်းဝန်းကျင်ကနေ ၆ သိန်းဝန်းကျင်အတွင်းရှိပါတယ်။ အလယ်အလတ်ဆိုရင်တော့ ၆ သိန်းဝန်းကျင် ကနေ ၁၀ သိန်းလောက်အထိရှိပြီး professional တွေ၊ gamer တွေအတွက် high end laptop တွေက ၁၀ သိန်း အထက်မှာပါ။ ဆိုတော့ ကိုယ်သုံးမယ့် ငွေ amount နဲ့ ကိုယ်ဝယ်ချင်တဲ့ laptop နဲ့က ကိုက်ညီမှုရှိရပါမယ်။ Video editing လုပ်မယ်လို့စိတ်ကူးထားရင် budget laptop တွေနဲ့တော့ဘယ်လိုမှအဆင်ပြေမှာမဟုတ်ပါဘူး။ အဲ့လိုပဲ အခြေခံစာစီစာရိုက် software တွေလောက်ပဲသုံးဖို့ သိန်း ၄၀ တန် gaming laptop ကြီးဝယ်တယ်ဆိုတာမျိုးကလဲ သိပ်အဓိပ္ပါယ်မရှိလှဘူးလို့မြင်ပါတယ်။ ( Build quality တွေ၊ ကြွားဖို့တွေကို ထည့်မစဉ်းစားရင်ပေါ့)
  • သုံးမယ့်ငွေ amount တစ်ခုသတ်မှတ်ပြီးသွားပြီဆိုရင်တော့ အဲ့ဒီငွေ amount ထဲမှာမှ ကိုယ်နဲ့ကိုက်ညီမယ့် specification ကိုရွေးချယ်တတ်ဖို့လိုပါတယ်။ ကိုယ်က game ဆော့မှာဆိုရင် CPU,GPU အသားပေးထားတဲ့ laptop တွေကိုရွေးချယ်ရမှာဖြစ်ပြီး Photo editing လုပ်မယ်ဆို CPU ကောင်းဖို့လိုသလို၊ Color Accurate ဖြစ်တဲ့ display ပါဖို့လဲလိုပါလိမ့်မယ်။ ဒီနေရာမှာ ကိုယ်သုံးမယ့် software တွေ၊ use case တွေပေါ်မှာမူတည်ပြီး ကွဲပြားနိုင်တဲ့အတွက် အကုန်လုံးကောင်းနေတဲ့အကောင်းဆုံး laptop ဆိုတာမျိုးမရှိပါဘူး။ ဒါပေမယ့် laptop တစ်လုံးကောင်းကောင်းမွန်မွန်သုံးလို့ရဖို့အတွက် အကြမ်းဖျင်းရှိသင့်တဲ့ specification ဆိုတာ မျိုးကိုတော့ သတ်မှတ်လို့ရပါတယ်။ ကျွန်တော့် personal အမြင်အရ 2021 မှာ laptop တစ်လုံးကို ကောင်းကောင်းရွေးဖို့အတွက် အချက် ၃ ချက်စဉ်းစားရပါမယ်။ ပထမတစ်ခုကတော့ SSD ပါ။ Hard Disk နဲ့ laptop တွေက ၂၀၂၁ မှာ ဝယ်သင့်တဲ့အနေအထားမဟုတ်တော့သလို အရင်က HDD နဲ့ laptop တွေသုံးနေတယ်ဆိုရင်လဲအခုအချိန်မှာ လဲသင့်နေပါပြီ။ ဒုတိယတစ်ခုကတော့ RAM ပမာဏပါ။ လက်ရှိအချိန်မှာ 8GB ဆိုတာအနည်းဆုံးရှိသင့်တဲ့အနေအထားလို့ယူဆပါတယ်။ တတိယတစ်ခုကတော့ CPU ရွေးတဲ့နေရာမှာ AMD Ryzen ဖြစ်ဖြစ် Intel ဖြစ်ဖြစ် CPU တွေရဲ့ generation ပေါ်လိုက်ပြီး performance ကွာခြားချက်က အခုနောက်ပိုင်းပိုများလာတာဖြစ်တဲ့အတွက် ဖြစ်နိုင်ရင် နောက်ဆုံး generation CPU တွေကိုရွေးဝယ်ဖို့ပါပဲ။ ဆိုတော့ ကိုယ်သုံးမယ့်ငွေက အရမ်းနည်းနေတာ ဒါမှမဟုတ် laptop ကို အပျော်လောက်ပဲသုံးမှာဆိုတာမျိုးကလွဲ ရင် အပေါ်ကကျွန်တော်ပြောတဲ့ ၃ ချက်ကိုမဖြစ်မနေထည့်စဉ်းစားစေချင်ပါတယ်။
  • ဒီလို article မျိုးလေးတွေကိုနှစ်ခြိုက်သဘောကျတယ်ဆိုရင် page ကို like and share လေးလုပ်ပေးသွားပါဦး……..

သင့်အိမ်အတွက် internet bandwidth ဘယ်လောက်များများလိုအပ်မလဲ?

  • အခုချိန်မှာ Internet Service Provider တွေပေါလာပြီး ဈေး နှုန်းတွေသက်သာလာတဲ့အချိန်မှာ unlimited internet တွေတပ်သင့်နေပါပြီ။ unlimited internet plan တွေက data ဘယ်လောက်သုံးလဲဆိုတာပေါ်မူတည်ပြီး ပိုက်ဆံကောက်တာမဟုတ်ပဲ internet speed or Bandwidth ( 2mbps , 3mbps) စသည်ဖြင့်ကောက်တာဖြစ်တဲ့အတွက် ပိုဈေးသက်သာသလို data အကန့်အသတ်မရှိပဲ စိတ်ကြိုက် အသုံးပြုလို့ရပါတယ်။ ဒါပေမယ့် ကိုယ် ဘယ်လောက် Bandwidth လောက်လို အပ်မလဲဆိုတာကို ဆန်းစစ်ကြည့်ဖို့လိုအပ်ပါလိမ့်မယ်။ ကိုယ်ဘယ်လောက်သုံးလဲဆိုတာကိုသိထားမှ တကယ်တမ်း 3mbps လောက်ပဲလိုအပ်တဲ့အချိန်မှာ 5mbps လိုင်း တပ်ထားမိတာမျိုးကြောင့် ပိုက်ဆံတွေပိုကုန်နေတာတို့ 5mbps လောက်လိုအပ်တဲ့ HD streaming ကြည့်ဖို့လုပ်နေချိန်မှာ 2mbps လောက်ပဲတပ်ထားမိလို့ အဝိုင်းလည်တာကိုထိုင်ကြည့်နေရတာမျိုးတို့ မဖြစ်မှာပါ။ Bandwidth ဆိုတာ internet ကနေသင့် pc ဆီကို download, upload လုပ်နိုင်တဲ့ အမြင့်ဆုံး speed ကိုပြောတာပါ။ Bandwidth များလေ download, upload လုပ်နိုင်တဲ့ speed မြန်လေပါပဲ။ ဒီနေရာမှာတစ်ခုသတိထားရမှာက Bandwidth ကို Megabit per second ( Mbps) နဲ့တိုင်းပါတယ် 3Mbps, 5Mbps စသည်ဖြင့်ပေါ့။ ကျွန်တော်တို့နဲ့ အကျွမ်း တဝင်ပိုရှိတာက Mega Byte per second ပါ။ သူ့ကို B အကြီးနဲ့ရေးပါတယ် (MB)။ 1 Byte မှာ 8 Bits ရှိပါတယ်။ ဒါကြောင့်မို့လို့ 1MB download speed ရချင်ရင် 8Mbps Bandwidth လိုအပ်ပါလိမ့်မယ်။
  • Bandwidth ရဲ့သဘောတရားကိုနားလည်ရင် ဘယ်လောက်လိုအပ်မလဲဆိုတာကိုဆက်သွားပါမယ်။ သင်ယူထားတဲ့ bandwidth ပမာဏဟာ အိမ်မှာသုံးနေတဲ့ device တွေအကုန်လုံးဆီကို share ပြီးသွားပါ တယ်။ ဥပမာ အိမ်မှာ 5mbps လိုင်းတပ်ထားတယ်ဆိုပါစို့ ဖုန်းနဲ့ဇာတ်ကားတစ်ကားကို တိုက်ရိုက်ကြည့်နေလို့ 3mbps လောက် ဆွဲနေတယ်ဆိုရင် ကျန်တဲ့ device တွေက 2mbps လောက်ပဲ speed တက်တော့မှာဖြစ်ပါ တယ်။ ဒါကြောင့်မို့လို့ အိမ်မှာ လူဘယ်နှစ်ယောက်ရှိတယ်၊ ဘယ်သူတွေက ဘာတွေသုံးတတ်တယ်ဆိုတာကို တိတိကျကျသိမှ၊ ဘယ်လောက် bandwidth ဝယ်သင့်တယ်ဆိုတာကို သေချာသိမှာဖြစ်ပါတယ်။ Video streaming က bandwidth အစားဆုံးဖြစ်ပြီး SD movie ကို stream လုပ်ဖို့ 3Mbps, HD movie ကို stream လုပ်ဖို့အတွက် 5Mbps လောက်လိုအပ်ပါတယ်။ Dota 2 လို ၊ PUBG လို၊ MLBB လို Online Video Gaming အတွက်ကတော့ bandwidth က 5-10mbps ဆိုလုံလောက်ပါတယ်။ Social Media , web surfing, email အတွက်ကလဲ 2mbps လောက်နဲ့ရပါတယ်။ ဒါကြောင့်မို့လို့ အိမ်မှာ တစ်ချိန်တည်းမှာ social media သုံးမယ့်သူတစ်ယောက်ရှိမယ်၊ HD movie တိုက်ရိုက်ကြည့်မယ့်သူတစ်ယောက်ရှိမယ်၊ game ဆော့မယ့်သူတစ်ယောက်ရှိမယ်ဆိုရင် 10 mbps လောက်အနည်ဆုံးလိုအပ် မှာဖြစ်ပါတယ်။ တစ်ပြိုင်တည်းသုံးတာမဟုတ်ရင်တော့ အဲ့လောက်မလိုအပ်ပါဘူး။ 4K movies တွေကြည့်မယ်ဆိုရင်တော့ 25mbps လောက်လိုအပ်ပါလိမ့်မယ်။
  • Online Game တွေအတွက်ကတော့ bandwidth ထက် latency ကပိုအရေးကြီးပါတယ်။ latency ဆိုတာက သင့် device ကနေ game server ကိုရောက်ဖို့ကြာချိန်ပါ။ latency များရင် game ထဲမှာ ping များနေပြီး lag ဖြစ် တတ်ပါတယ်။ Game server နဲ့ သုံးနေတဲ့ ISP ဝေးရင်ဖြစ်ဖြစ်၊ ISP ကသေချာ optimize မလုပ်ထားတာပဲဖြစ် ဖြစ်၊ fiber မဟုတ်ပဲ wifi လိုမျိုး လိုင်းသိပ်မငြိမ်တဲ့ အင်တာနက်လိုင်းမျိုးသုံးတာပဲဖြစ်ဖြစ် latency များတတ်ပါ တယ်။ ဒါကြောင့် game အတွက်ဆိုရင်တော့ လိုင်းငြိမ်တဲ့ fiber internet ကိုရွေးစေချင်ပါတယ်။ ပြီးတော့ Internet service provider တွေဆီကပေးတဲ့ router တွေသုံးတာမျိုးထက် ကိုယ့်ဘာသာ အမျိုးအစားပို ကောင်းတဲ့ third-party router မျိုးတွေသုံးတာကလိုင်းပိုငြိမ်ပါလိမ့်မယ်။ အဲ့ဒီအတွက်လဲ Technoland မှာ ပစ္စည်းမှန်ပြီးဈေးသက်သာတဲ့ router တွေကိုရွေးချယ်ဝယ်ယူနိုင်ပါတယ်။