News & Events

သင့်အိမ်အတွက် internet bandwidth ဘယ်လောက်များများလိုအပ်မလဲ?

  • အခုချိန်မှာ Internet Service Provider တွေပေါလာပြီး ဈေး နှုန်းတွေသက်သာလာတဲ့အချိန်မှာ unlimited internet တွေတပ်သင့်နေပါပြီ။ unlimited internet plan တွေက data ဘယ်လောက်သုံးလဲဆိုတာပေါ်မူတည်ပြီး ပိုက်ဆံကောက်တာမဟုတ်ပဲ internet speed or Bandwidth ( 2mbps , 3mbps) စသည်ဖြင့်ကောက်တာဖြစ်တဲ့အတွက် ပိုဈေးသက်သာသလို data အကန့်အသတ်မရှိပဲ စိတ်ကြိုက် အသုံးပြုလို့ရပါတယ်။ ဒါပေမယ့် ကိုယ် ဘယ်လောက် Bandwidth လောက်လို အပ်မလဲဆိုတာကို ဆန်းစစ်ကြည့်ဖို့လိုအပ်ပါလိမ့်မယ်။ ကိုယ်ဘယ်လောက်သုံးလဲဆိုတာကိုသိထားမှ တကယ်တမ်း 3mbps လောက်ပဲလိုအပ်တဲ့အချိန်မှာ 5mbps လိုင်း တပ်ထားမိတာမျိုးကြောင့် ပိုက်ဆံတွေပိုကုန်နေတာတို့ 5mbps လောက်လိုအပ်တဲ့ HD streaming ကြည့်ဖို့လုပ်နေချိန်မှာ 2mbps လောက်ပဲတပ်ထားမိလို့ အဝိုင်းလည်တာကိုထိုင်ကြည့်နေရတာမျိုးတို့ မဖြစ်မှာပါ။ Bandwidth ဆိုတာ internet ကနေသင့် pc ဆီကို download, upload လုပ်နိုင်တဲ့ အမြင့်ဆုံး speed ကိုပြောတာပါ။ Bandwidth များလေ download, upload လုပ်နိုင်တဲ့ speed မြန်လေပါပဲ။ ဒီနေရာမှာတစ်ခုသတိထားရမှာက Bandwidth ကို Megabit per second ( Mbps) နဲ့တိုင်းပါတယ် 3Mbps, 5Mbps စသည်ဖြင့်ပေါ့။ ကျွန်တော်တို့နဲ့ အကျွမ်း တဝင်ပိုရှိတာက Mega Byte per second ပါ။ သူ့ကို B အကြီးနဲ့ရေးပါတယ် (MB)။ 1 Byte မှာ 8 Bits ရှိပါတယ်။ ဒါကြောင့်မို့လို့ 1MB download speed ရချင်ရင် 8Mbps Bandwidth လိုအပ်ပါလိမ့်မယ်။
  • Bandwidth ရဲ့သဘောတရားကိုနားလည်ရင် ဘယ်လောက်လိုအပ်မလဲဆိုတာကိုဆက်သွားပါမယ်။ သင်ယူထားတဲ့ bandwidth ပမာဏဟာ အိမ်မှာသုံးနေတဲ့ device တွေအကုန်လုံးဆီကို share ပြီးသွားပါ တယ်။ ဥပမာ အိမ်မှာ 5mbps လိုင်းတပ်ထားတယ်ဆိုပါစို့ ဖုန်းနဲ့ဇာတ်ကားတစ်ကားကို တိုက်ရိုက်ကြည့်နေလို့ 3mbps လောက် ဆွဲနေတယ်ဆိုရင် ကျန်တဲ့ device တွေက 2mbps လောက်ပဲ speed တက်တော့မှာဖြစ်ပါ တယ်။ ဒါကြောင့်မို့လို့ အိမ်မှာ လူဘယ်နှစ်ယောက်ရှိတယ်၊ ဘယ်သူတွေက ဘာတွေသုံးတတ်တယ်ဆိုတာကို တိတိကျကျသိမှ၊ ဘယ်လောက် bandwidth ဝယ်သင့်တယ်ဆိုတာကို သေချာသိမှာဖြစ်ပါတယ်။ Video streaming က bandwidth အစားဆုံးဖြစ်ပြီး SD movie ကို stream လုပ်ဖို့ 3Mbps, HD movie ကို stream လုပ်ဖို့အတွက် 5Mbps လောက်လိုအပ်ပါတယ်။ Dota 2 လို ၊ PUBG လို၊ MLBB လို Online Video Gaming အတွက်ကတော့ bandwidth က 5-10mbps ဆိုလုံလောက်ပါတယ်။ Social Media , web surfing, email အတွက်ကလဲ 2mbps လောက်နဲ့ရပါတယ်။ ဒါကြောင့်မို့လို့ အိမ်မှာ တစ်ချိန်တည်းမှာ social media သုံးမယ့်သူတစ်ယောက်ရှိမယ်၊ HD movie တိုက်ရိုက်ကြည့်မယ့်သူတစ်ယောက်ရှိမယ်၊ game ဆော့မယ့်သူတစ်ယောက်ရှိမယ်ဆိုရင် 10 mbps လောက်အနည်ဆုံးလိုအပ် မှာဖြစ်ပါတယ်။ တစ်ပြိုင်တည်းသုံးတာမဟုတ်ရင်တော့ အဲ့လောက်မလိုအပ်ပါဘူး။ 4K movies တွေကြည့်မယ်ဆိုရင်တော့ 25mbps လောက်လိုအပ်ပါလိမ့်မယ်။
  • Online Game တွေအတွက်ကတော့ bandwidth ထက် latency ကပိုအရေးကြီးပါတယ်။ latency ဆိုတာက သင့် device ကနေ game server ကိုရောက်ဖို့ကြာချိန်ပါ။ latency များရင် game ထဲမှာ ping များနေပြီး lag ဖြစ် တတ်ပါတယ်။ Game server နဲ့ သုံးနေတဲ့ ISP ဝေးရင်ဖြစ်ဖြစ်၊ ISP ကသေချာ optimize မလုပ်ထားတာပဲဖြစ် ဖြစ်၊ fiber မဟုတ်ပဲ wifi လိုမျိုး လိုင်းသိပ်မငြိမ်တဲ့ အင်တာနက်လိုင်းမျိုးသုံးတာပဲဖြစ်ဖြစ် latency များတတ်ပါ တယ်။ ဒါကြောင့် game အတွက်ဆိုရင်တော့ လိုင်းငြိမ်တဲ့ fiber internet ကိုရွေးစေချင်ပါတယ်။ ပြီးတော့ Internet service provider တွေဆီကပေးတဲ့ router တွေသုံးတာမျိုးထက် ကိုယ့်ဘာသာ အမျိုးအစားပို ကောင်းတဲ့ third-party router မျိုးတွေသုံးတာကလိုင်းပိုငြိမ်ပါလိမ့်မယ်။ အဲ့ဒီအတွက်လဲ Technoland မှာ ပစ္စည်းမှန်ပြီးဈေးသက်သာတဲ့ router တွေကိုရွေးချယ်ဝယ်ယူနိုင်ပါတယ်။

Samsung ရဲ့ Galaxy S21, S21 Plus နဲ့ S21 Ultra တွေမှာဘာတွေထူးလဲ?

  • Samsung အနေနဲ့မနေ့ကကျင်းပခဲ့တဲ့ Galaxy Unpacked ပွဲမှာ သူ့ရဲ့ flagship series အသစ်ဖြစ်တဲ့ S21 series ကိုမိတ်ဆက်သွားပါတယ်။ Galaxy S21, S21 Plus နဲ့ S21 Ultra ဆိုပြီးစုစုပေါင်းဖုန်း ၃ လုံးမိတ်ဆက် သွားခဲ့ပြီး Design အပြောင်းအလဲတွေ၊ Camera system တွေ၊ SoC အသစ်တွေနဲ့ဆိုတော့ တော်တော်လေး စိတ်ဝင်စားဖို့ကောင်းတယ်။
  • S21 နဲ့ S21 Plus တွေက Design ပိုင်းမှာတော်တော်လေးဆင်တူပြီး ၂ ခုလုံးမှာ Flat display တွေပဲသုံးထား တယ်၊ အလယ်မှာ punch-hole front camera ကိုထည့်ထားတာချင်းလဲတူတယ်။ ဖုန်းရဲ့ကျောဘက်ခြမ်းမှာ တော့ Contour Cut Camera လို့ Samsung ကနာမည်ပေးထားတဲ့ camera housing ကိုတွေ့ရမယ်။ Camera housing က metal frame နဲ့တစ်ဆက်တည်းဖြစ်နေတာက ဒီဖုန်းရဲ့ထူးခြားချက်ပဲ။ ကြိုက်တဲ့သူတွေ ရှိသလို သိပ်သဘောမကျတဲ့သူတွေလဲရှိလိမ့်မယ်။ S21 နဲ့ S21 Plus မှာအဓိကကွာခြားတာကတော့ display size မှာ S21 က 6.2 inches , S21 Plus က 6.7 inches ဖြစ်တဲ့အတွက် display ပိုကြီးတယ်၊ resolution ကတော့ 1080p ပဲ။ ပြီးတော့ သုံးထားတဲ့ material ကလဲ S21 Plus က Glass back ကိုသုံးထားပြီး S21 က plastic back ကိုပဲသုံးထား တယ်။
  • S21 Ultra ကတော့ ဒီ ဖုန်း ၃ မျိုးထဲမှာအကြီးဆုံးဖြစ်ပြီး 1440p 6.8 inches AMOLED display ကိုသုံးထားတယ်။ S21 Ultra မှာ curved display ဖြစ်သွားတဲ့အတွက် curved display ကိုမကြိုက်တဲ့သူတွေကတော့ S21 နဲ့ S21 Plus ထဲကနေပဲရွေးရပါလိမ့်မယ်။ ပြီးတော့ Camera Housing ကလဲ S21/S21 Plus တွေထက်အများ ကြီးပိုကြီးတယ်၊ ဖုန်းကလဲ တော်တော်ကြီးပိုထူသွားတယ်။ ဆိုတော့ အဓိကအားဖြင့်တော့ ကိုင်ရတဲ့ hand feeling မှာ S21/S21 Plus တွေကပေါ့ပေါ့ပါးပါးပိုဖြစ်ပါလိမ့်မယ်။
  • ဖုန်း ၃ လုံးစလုံးမှာ Snapdragon 888 သို့မဟုတ် Exynos 2100 ကိုသုံးထားမယ်။ ဒီကိုဝင်မယ့်အလုံးတွေက တော့ ထုံးစံအတိုင်း Exynos 2100 နဲ့ပဲဖြစ်ဖို့များပါတယ်။ ဒါပေမယ့် ဒီနှစ်မှာ Snapdragon 888 နဲ့ Exynos 2100 ရဲ့ performance ကွာခြားချက်ကတော်တော်လေးနည်းသွားပြီလို့သိရတယ်။ ဒါကတော့ဝမ်းသာစရာလို့ ပြောရမှာပါ။ S21 နဲ့ S21 Plus မှာ 8GB RAM နဲ့ 128/256 storage တွေပါမယ်။ S21 Ultra မှာတော့ base model က RAM 12 GB ရှိပြီး အမြင့်ဆုံး 16GB/512GB အထိရွေးချယ်လို့ရမယ်။
  • Camera တွေက S21 နဲ့ S21 Plus မှာ 12MP Main sensor, 65MP telephoto နဲ့ 12MP Ultrawide lens ဆိုပြီး triple camera setup ထည့်ပေးထားတယ်။ S21 Ultra မှာတော့ 12 MP main sensor, 108MP ultrawide နဲ့ 10MP telephoto lens ၂ လုံးပါမယ်။ Telephoto lens တွေက 3x optical zoom အတွက်တစ်လုံး 10x optical zoom အတွက်တစ်လုံးထည့်ပေးထားတယ်။ S21 Ultra မှာ 100x Space Zoom ကိုလဲ support လုပ်တယ်။ ကျန်တဲ့ ၂ လုံးမှာတော့ 30x Space Zoom ပဲရမယ်။ Selfie camera က လဲ S21 တွေမှာ 10MP ပဲရှိပြီး S21 Ultra မှာတော့ 40 MP ထည့်ပေးထားတယ်။ ဆိုတော့ Detail တွေပိုကျန်လိမ့်မယ်။ S21 series မှာ Camera တွေ တော်တော်လေးကြမ်းလာသလို၊ Video features အသစ်တွေပါလာတာကိုလဲတွေ့ရတယ်။ Directors View လိုမျိုး ကြိုက်တဲ့ main , ultrawide , telephoto, selfie တွေရဲ့ preview ကိုတစ်ပြိုင်တည်းမြင်နေရပြီး ကြိုက်တဲ့ camera ကနေ record လှမ်းယူလို့ ရတာကတော်တော်လေးမိုက်တယ်။
  • Battery က S21 မှာ 4000 mAh, S21 Plus မှာ 4800 mAh, S21 Ultra မှာ 5000 mAh အထိထည့်ပေး လာတယ်။ S21 Ultra မှာ 120Hz နဲ့ WQHD+ display ကိုတစ်ပြိုင်တည်းသုံးလို့ရသွားတာကလဲမိုက်တယ်။ S pen support လဲပေးလာတယ်။ ဒါပေမယ့် S pen ကတော့ သပ်သပ်ပြန်ဝယ်ရမှာပါ၊ ဖုန်းထဲမှာတော့ပါမှာမဟုတ်ဘူး။ IP68 လဲထုံးစံအတိုင်းပါနေတုန်းပဲ။ Ultrasonic fingerprint scanner သုံးထား တာကလဲ Samsung Signature အတိုင်းပဲ။
  • ဈေးနှုန်းတွေကတော့ S21 ကို $799, S21 Plus ကို $999 နဲ့ S21 Ultra ကို $1199 အသီးသီးကျသင့်မှာပါ။ မြန်မာနိုင်ငံကိုဝင်လာမယ့်ဈေးတွေကတော့မသိရသေးပါဘူး။

ထူးထူးခြားခြား Convertible gaming laptop တစ်လုံးကိုမိတ်ဆက်သွားတဲ့ Asus ROG

  • ပုံမှန်အားဖြင့် Gaming laptop တွေက ထူလေ့ရှိတယ်၊ လေးလေ့ရှိတယ်၊ ပေါ့ပေါ့ပါးပါးသယ်သွားလို့ ကောင်းတဲ့ device မျိုးတွေမဟုတ်ကြဘူး။ ဒါပေမယ့် မနေ့က Asus ကမိတ်ဆက်သွားတဲ့ Asus ROG Flow X13 က တော့ တခြား gaming laptop တွေနဲ့မတူဘဲ ကွဲထွက်နေတာကိုတွေ့ရလိမ့်မယ်။
  • Flow X13 ကို Asus က Gaming laptop တစ်လုံးထက်ပိုတဲ့ နေရာတစ်ခုမှာရှိနေစေချင်တဲ့ပုံပဲ။ အနောက်ကို ခေါက်လို့ရပြီး ၊ touch screen ပါဝင်တဲ့ Convertible ဖြစ်အောင်လုပ်ပေးထားတယ်။ အဲ့လိုမျိုး 2-in-1 gaming laptop ဆိုတာတော်တော်လေးရှားတယ်။ ပြီးတော့ Flow X13 ဆိုတဲ့နာမည်အတိုင်းပဲ 13” display နဲ့ ထွက်လာတာဖြစ်တဲ့အတွက် ရှားရှားပါးပါး 13” gaming laptop စာရင်းလဲဝင်နေပါသေးတယ်။
  • ပုံမှာမြင်ရတဲ့အတိုင်းပဲ X13 က gaming laptop တစ်လုံးနဲ့လဲမတူဘူး။ Meeting တွေ၊ Classroom တွေမှာ ယူသွားလို့ရတဲ့ပေါ့ပေါ့ပါးပါး design နဲ့လုပ်ထားတယ်။ Specification တွေကလဲ အကြမ်းစားတွေ၊ Ryzen 9 5980HS လိုမျိုး AMD ရဲ့ latest flagship CPU ကိုသုံးထားပြီး 120Hz FHD touch display ဒါမှမဟုတ် 4k display ကိုရွေးလို့ရမယ်။ 16:10 aspect ratio နဲ့ထုတ်ပေးထားတဲ့အတွက် multitasking လုပ်ရတာလဲပိုကောင်းနေလိမ့်မယ်။ GPU မှာတော့ laptop ရဲ့ body နဲ့လိုက်အောင် GTX 1650 entry level GPU ကိုပဲသုံးပေးထားတယ်။ ဆိုတော့ရုတ်တရက်ကြည့်လိုက်ရင် Ryzen 9 5980HS ကြီးတဲ့ CPU power ကို waste ဖြစ်နေသလိုခံစားရလိမ့်မယ်။
  • ဒါပေမယ့် မြုပ်ကွက်ရှိနေတာက Asus က Flow X13 ကို ROG XG Mobile လို့ခေါ်တဲ့ external GPU နဲ့တွဲလို့ ရအောင်လုပ်ပေးထားတယ်။ External GPU က RTX 3080 အထိရမယ်ဆိုတဲ့အတွက် desktop gaming performance လောက်ကောင်းလာမယ့်အနေအထားလို့လဲ ကြွားလုံးထုတ်သွားတယ်။ နည်းနည်းလန့်ဖို့ကောင်း တာကတော့ သူ့ရဲ့ဈေးနှုန်းပဲ Flow X13 နဲ့ XG Mobile 2 ခုပေါင်းရဲ့ဈေးနှုန်းက $3000 ဆိုတော့ Ultra portable ဖြစ်တာကိုမှအသည်းအသန်လိုချင်ပါတယ်ဆိုတဲ့ gamer တွေကလွဲရင် တော်တော်များများက Zephyrus G14 တို့ Scar 17 တို့လို all in one package တွေကိုပဲဝယ်ကြဖို့များပါတယ်။

Snapdragon 888 နဲ့ ထွက်တဲ့ဖုန်းတွေမှာဈေးအသက်သာဆုံးဖြစ်မယ့် Redmi K40

  • အရင်လက Xiaomi အနေနဲ့ Snapdragon 888 ကိုပထမဆုံးသုံးထားတဲ့ Mi 11 ကိုမိတ်ဆက်သွားတယ်။ Mi11 က တော်တော်လေး specification တွေအရကြမ်းသလို ဈေးကလဲ မထင်ရလောက်အောင်သက်သာတယ်။ ဆို တော့ ဈေးပိုသက်သာလေ့ရှိတဲ့ Redmi line up မှာရောဘယ်လိုဖြစ်မလဲ?
  • Redmi ရဲ့ General Manager Lu Weibing က Weibo မှာ post တစ်ခုတင်ခဲ့ပြီး Redmi K40 ကို China Market မှာ နောက်လအတွင်းမိတ်ဆက်သွားမယ်လို့အတည်ပြုသွားတယ်။ ပိုစိတ်ဝင်စားဖို့ကောင်းတာက Redmi K40 ရဲ့ဈေးနှုန်းပါ။ Starting Price က $463 ဝန်းကျင်ပဲရှိမယ်လို့ဆိုတဲ့အတွက်မြန်မာငွေနဲ့ပြန်တွက် လိုက်ရင် ၆ သိန်းဝန်းကျင်လောက်ပဲရှိမယ်။ Mi 11 ရဲ့ starting price က ၈ သိန်းခွဲဝန်းကျင်ဆိုတော့ Mi 11 ဝယ် ဖို့လက်တွန့်နေတဲ့သူတွေအတွက် Redmi K40 က ရွေးချယ်စရာတစ်ခုဖြစ်ကောင်းဖြစ်လာနိုင်ပါတယ်။ Redmi K40 မှာ Snapdragon 888 ပဲပါမှာဆိုပေမယ့် MI 11 လိုမျိုး curved display မဟုတ်ဘဲ flat display နဲ့ပဲလာ မယ်၊ Resolution ကလဲ 1080p ပဲဖြစ်ဖို့များတယ်။ Battery ပမာဏကတော့ ပိုကြီးမယ်လို့သိရပါတယ်။
  • လောလောဆယ် Redmi K40 ကို China မှာပဲမိတ်ဆက်ဦးမယ်ဆိုပေမယ့် တဖြည်းဖြည်းနဲ့ Global market ကိုလဲရောက်လာဦးမှာပါ။ အရင်က Redim K30 Pro ကို Global မှာ Poco F2 Pro နာမည်နဲ့မိတ်ဆက်ခဲ့သလို ပဲ Redmi K40 ကိုလဲ Poco branding နဲ့ global မှာမိတ်ဆက်လာဖို့မျှော်လင့်ရပါတယ်။ လက်ရှိသိထားရတဲ့ ဈေးအတိုင်းတကယ်ထွက်လာမယ်ဆိုရင် Redmi K40 က Snapdragon 888 SoC သုံးထားတဲ့ ဖုန်းတွေထဲ မှာဈေးအသက်သာဆုံးဖုန်းဖြစ်ပါလိမ့်မယ်။
  • Ref; Forget the Galaxy S21 — Xiaomi is launching a Snapdragon 888-powered phone for under $500 (androidcentral.com)

ဖုန်းတွေသုံးရတာနှေးလာရင်ပြန်ကောင်းအောင်ဘယ်လိုလုပ်ရမလဲ?

  • ဖုန်းတွေက စဝယ်ခါစမှာတော့ ဖလမ်းဖလမ်းထနေပေမယ့် သုံးတာ ကြာလာပြီဆိုရင် နှေးလာတာ၊ ထစ်လာတာမျိုးတွေကြုံရလေ့ရှိပါတယ်။ ဒီ article လေးမှာ တော့ android ဖုန်းတွေနှေးလာတဲ့အခါမျိုးမှာ ပြန်ကောင်းအောင်ဘယ်လိုလုပ်မ လဲဆိုတာရေးပေးမှာပဲဖြစ်ပါ တယ်။ ဒါပေမယ့် android ဖုန်းတွေကိုနှေးလာစေတဲ့ အကြောင်းအရင်းက အများကြီးဖြစ်နိုင်တာကြောင့် တစ် ယောက်နဲ့တစ်ယောက်အဆင်ပြေသွားတဲ့နည်းတွေက တော့တူမှာ မဟုတ်ပါဘူး။ ဒါပေမယ့် အောက်ကနည်းတွေ အကုန်လုံးကို လိုက်လုပ်ကြည့်ရင်တော့ တစ်ခုမဟုတ်တစ်ခု ကတော့ အဆင်ပြေစေမှာပါ။ ကဲ စလိုက်ရအောင်။
  • 1. မသုံးတဲ့ app တွေကို uninstall လုပ်ပစ်ပါ။Android ဖုန်းတွေနှေးလာရတဲ့အကြောင်းအရင်းတွေထဲကတစ်ခုကတော့ app တွေအများကြီးကို သိပ်မသုံးဖြစ်ပဲနဲ့ install လုပ်ထားလို့ပါ။ တစ်ချို့ app တွေက ကိုယ်မသုံးလဲ Background မှာအလိုလို run နေတာမျိုးဖြစ်တတ်ပါတယ်။ ဒါကြောင့် installed လုပ်ထားတဲ့ app တွေကိုပြန်စစ်ပြီး မသုံးဖြစ်တဲ့ app တွေကို uninstall လုပ်လိုက်ရင် storage space လဲပိုထွက်လာပြီး ဖုန်းလဲပိုမြန်လာမှာအသေအချာပါပဲ။
  • 2. ရိုက်ထားတဲ့ Photo တွေ Video တွေကို ဖျက်သင့်တာဖျက်ပြီး တခြား storage တစ်ခုခုထဲရွှေ့သင့်ရင်ရွှေ့ပါ။ဖုန်းနဲ့ ဓာတ်ပုံ၊ video တွေရိုက်လေ့ရှိတဲ့သူတွေဆိုရင်တော့ ဖုန်းရဲ့ storage အများစုက အဲ့ဒါတွေနဲ့ ပဲပြည့်သွားတတ်ပြီး ဖုန်းကိုနှေးလာစေပါတယ်။ ဒါကြောင့် မလိုတဲ့ပုံတွေကိုဖျက်ပစ်ပြီး လိုအပ်တာတွေကို computer ထဲရွှေ့ထားသင့်ပါတယ်။ Google Photo လိုမျိုး Cloud storage တွေမှာသိမ်းတာကလဲအဆင်ပြေသင့်သလောက်ပြေပါ လိမ့်မယ်။
  • 3. Widgets တွေကို home screen ကနေဖျက်ပစ်ပါ။Widgets တွေက home screen ပေါ်က နာရီတို့၊ calendar တို့ music control လုပ်တဲ့ widget တို့ စသည်ဖြင့်မျိုးစုံရှိပါတယ်။ အသုံးဝင်တာတော့မှန်ပေမယ့် တစ်ချို့ widget တွေက ram အရမ်းစားပြီး battery ကိုလဲအကုန်မြန်စေလို့ ကိုယ်တကယ်သုံးတဲ့ widget တစ်ချို့ကလွဲရင် ကျန်တာကိုဖျက်ပစ်လိုက်တာက ဖုန်းကိုပိုမြန်စေမှာပါ။ ပြီးတော့ Theme ရှုပ်ရှုပ်ထွေးထွေးတွေ၊ 3D animation အများကြီးနဲ့ launcher တွေကို လဲမသုံးတာပိုကောင်းပါတယ်။
  • 4. တစ်ပါတ်တစ်ခါလောက် ဖုန်းကို restart ချပေးပါ။ဖုန်းတွေ တော်ရုံတန်ရုံ နှေးတာလောက်က ဖုန်းကို restart ချလိုက်ရင်ပြေလည်သွားလေ့ရှိပါတယ်။ restart မချပဲ ဆက်တိုက်သုံးဖြစ်နေတယ်ဆိုရင် cache တွေအများကြီးစုလာပြီး ဖုန်းကလေးလာတတ်ပါတယ်။ ဒါကြောင့် အနည်းဆုံး တစ်ပါတ်တစ်ခါလောက်တော့ restart ချပေးသင့်ပါတယ်။
  • 5. ဘယ်လိုမှမရတော့ရင်တော့ Factory reset ပေါ့ ။အပေါ်ကနည်းတွေအကုန်လုပ်ပြီး ဖုန်းကနှေးနေတုန်းပဲဆိုရင်တော့ final solution လာပါပြီ။ လိုအပ်တဲ့ application တွေ၊ file တွေ၊ data တွေအကုန်လုံးကို backup ယူထားပြီး factory reset ချလိုက်ပါ။ factory reset ဆိုတဲ့အတိုင်းပဲ သင့်ဖုန်းကို စက်ရုံကထုတ်လိုက်တဲ့အခြေအနေမျိုးကိုပြန်ရောက်သွားစေမှာဖြစ်လို့ သုံးရတာပြန်အဆင်ပြေသွားစေမှာပါ။ setting > backup and reset > factory reset ဆိုတဲ့နေရာမှာ factory reset ချလို့ပါတယ်။ data တွေအကုန်လုံးပျက်မှာဖြစ်လို့ backup လုပ်ထားဖို့ထပ်သတိပေးလိုက်ရပါတယ်။
  • Factory reset ချလို့မှ ဖုန်းကအခြေအနေမကောင်းဘူးဆိုရင်တော့ ဖုန်းအသစ်လဲဖို့အချိန်ရောက်ပြီလို့ ပြောနိုင်ပါတယ်။ အပူကြောင့် SoC ထိထားတာမျိုး၊ hardware component တွေမကောင်းတော့တာမျိုးဆိုရင် တော့ အပေါ်ကနည်းလမ်းတွေက ကူညီပေးနိုင်မှာမဟုတ်ပါဘူး။ ဒါဆိုရင်တော့ ဈေးနှုန်းသင့်တင့်ပြီး စိတ်ချရတဲ့ Techonoland ဖုန်းဆိုင်တွေမှာ ဖုန်းအသစ်လေးဝယ်လိုက်တဲ့ နည်းလမ်းက အကောင်းဆုံးပါပဲ။

2021 မှာဖုန်းအသစ်ဝယ်တော့မယ်ဆိုရင် စဉ်းစားသင့်တဲ့အချက်များ

  • နှစ်သစ်ရောက်ပြီဆိုတော့ လက်ထဲမှာရှိတဲ့ဖုန်းအဟောင်းလေးတွေကိုကြည့်ပြီး အသစ်လဲချင်စိတ်တွေပေါ်လာနေ လောက်ပြီလို့ထင်တယ်။ ထွက်လာတဲ့ဖုန်းတွေကလဲ ကိုယ့်ဖုန်းနဲ့ယှဉ်လိုက်ရင် အများကြီးပိုကောင်းနေပြီလို့ ခံစား နေရတဲ့အနေအထားပဲ။ ဒါဆိုရင် ဖုန်းအသစ်ရွေးချယ်ဖို့ ဘယ်လိုအချက်လေးတွေကိုအဓိကထားပြီးစဉ်းစားမလဲ?ကိုယ်နဲ့ကိုက်ညီမယ့်ဖုန်းကိုဘယ်လိုရွေးမလဲ?ဖုန်းရွေးတဲ့နေရာမှာ ကျွန်တော်ဦးစားပေးစဉ်းစားလေ့ရှိတာကတော့ ဖုန်းဝယ်ဖို့သုံးမယ့် ငွေပမာဏနဲ့ ကိုယ့်ရဲ့ ဖုန်းအသုံးပြုတဲ့ ပုံစံပါ။ ဖုန်းတွေက price range အမျိုးမျိုးမှာရှိတာဖြစ်တဲ့အတွက် ကိုယ် သုံးမယ့် ငွေပမာဏ နဲ့ အဲ့ဒီဈေးမှာရနိုင်မယ့်ဖုန်းတွေကိုအရင်ဆုံးကြည့်ဖိုလိုပါလိမ့်မယ်။ ပြီးတော့ အဲ့ဒီဖုန်းတွေထဲကမှ ကိုယ် သုံးမယ့် ပုံစံနဲ့ကိုက်ညီမယ့် ဖုန်းကိုရွေးရမှာပါ။
  • ကိုယ်က Game ဆော့တာများလား? Social media ပဲသုံးတာလား? ရုပ်ရှင် Video ကြည့်ရုံလောက်ပဲလား? Camera ကောင်းမှပဲအဆင်ပြေမှာလား စသည်ဖြင့် ကိုယ် ဘာတွေလုပ်လဲဆိုတာပေါ်မှာမူတည်ပြီး ကိုယ်ဝယ်မယ့်ဈေးမှာ သုံးမယ့်ပုံစံနဲ့အကိုက်ညီဆုံးကိုရှာသင့်တယ်။
  • ဥပမာ – ကိုယ်က game ဆော့တာများတယ် ဆိုရင် ဈေးနှုန်းအရ SoC ကောင်းကောင်းပါတဲ့ price to performance အကောင်းဆုံးဖုန်းတွေကိုရွေးဝယ်သင့်ပြီး၊ Camera ကောင်း မှဖြစ်မယ်ဆိုရင်လဲ ကိုယ်သုံးမယ့်ဈေးမှာ camera ဦးစားပေးထားတဲ့ဖုန်းတွေကိုရွေးဝယ်သင့်ပါတယ်။ပြီးတော့ အခု ကိုယ်သုံးနေတဲ့ဖုန်းပေါ်မှာဘယ်လောက်စိတ် ကျေနပ်မှုရှိလဲဆိုတာမျိုးကလဲ နောက်ထပ်ဝယ်မယ့်ဖုန်းပေါ်မှာအကျိုးသက်ရောက်မှုရှိပါလိမ့်မယ်။ ကိုယ်အခု သုံးနေတဲ့ဖုန်းက ကိုယ်နဲ့အရမ်းအဆင်ပြေကိုက်ညီမှုရှိနေပြီး နောက်ဝယ်တဲ့ဖုန်းက specification တွေပိုကောင်း ဈေးတွေ ပိုများနေရင်တောင် ကိုယ်သုံးတဲ့ ပုံစံနဲ့ သိပ်မကိုက် တာမျိုးဆိုလဲ အဆင်မပြေနိုင်ပါဘူး။ ဈေးကွက် မှာအရမ်းတန်လှပါတယ်ဆိုတဲ့ ဖုန်းတွေလဲ လူတိုင်းနဲ့တော့အဆင်ပြေနေတာမျိုးမဟုတ်ပါဘူး။
  • ဒါကြောင့် ဖုန်း company တွေကလဲ သူတို့ဖုန်းတွေထုတ်တဲ့နေရာမှာ အားသာချက် အားနည်းချက်တွေကို ဖုန်းတစ်ခုနဲ့တစ်ခု မတူ အောင်လုပ်ထားလေ့ရှိတယ်။ Gaming အတွက် ရည်ရွယ်ထားတဲ့ဖုန်းတွေဆို performance ကောင်းနေပေမယ့် camera ပိုင်းမှာသိပ်ကောင်းလေ့မရှိတာမျိုး၊ fashion နဲ့ camera အတွက်ဦးစားပေးပြီးထုတ်ထားတဲ့ဖုန်းတွေ ဆို performance အရမ်းကောင်းလေ့မရှိတာမျိုးတွေပေါ့။ ဆိုတော့ ကိုယ်က ဂိမ်းအဓိကဆော့မှာကို performance မကောင်းတဲ့ဖုန်းဝယ်မိရင်တိုင်ပတ်နိုင်သလို၊ ဂိမ်းမဆော့ဘဲနဲ့ latest SoC ကြီးနဲ့ gaming ဖုန်းကြီးဝယ်ပြီး camera မကောင်းလို့စိတ်ပျက်နေရင်လဲအလကားပါပဲ။
  • အပေါ်ကပြောသလို အဓိက ကိုယ်သုံးမယ့်ပုံစံ နဲ့ ဝယ်မယ့် ဈေးနဲ့ကိုဆုံးဖြတ်ပြီးရင် Display က AMOLED လား၊ LCD လား panel quality ဘယ်လောက်ကောင်းကောင်းမှကိုယ်က စိတ်ကျေနပ်မှာလဲ ။ Speaker ကရော stereo speaker လိုချင်တာလား၊ mono နဲ့ပဲအဆင်ပြေနိုင်လား။ Design , build quality တွေရောဘယ်လိုအနေအထားလောက်မှလိုချင်တာလဲစသည်ဖြင့် အသေးစိတ်တစ်ခုချင်းစီဆက်စဉ်းစားသွားရင် ဘယ်ဖုန်းကိုရွေး ရမလဲဆိုတာက သိပ်ပြီးစဉ်းစားရမခက်တော့ပါဘူး။ တစ်ခုတော့ရှိတာပေါ့လေ ကိုယ်သုံးမယ့်ဈေးနဲ့ ကိုက်ညီမယ့် မျှော်လင့်ချက်မျိုးလောက်ပဲတော့ထားဖို့လိုတာပေါ့။ ကိုယ်သုံးမယ့်ဈေးမှာ မဖြစ်နိုင်လောက်တဲ့ specification တွေလိုချင်နေရင်တော့ ရွေးချယ်ရတာခက်သွားနိုင်တယ်။ ကိုယ် ဘာကိုအဓိကလိုချင်တာလဲဆိုတဲ့ main buying point လဲ ပျောက်သွားနိုင်တယ်။ အဲ့ဒါလေးကိုလဲ သတိထားဖို့ လိုပါလိမ့်မယ်။
  • ဆိုတော့ ကျွန်တော့်အနေနဲ့ ဘယ်ဖုန်းကတော့ ဖြင့် ဘယ်ဈေးမှာအကောင်းဆုံးပဲဆိုတာမျိုးထက် ကိုယ်နဲ့အကိုက်ညီဆုံးဖြစ်မယ့်ဖုန်း ကို သေချာစဉ်းစားပြီးရွေးတာမျိုးကို ပိုပြီးတော့ အားပေးပါတယ်။

2021 စမတ်ဖုန်းတွေမှာခေတ်စားလာမယ့် နည်းပညာများ

  • နှစ်ဟောင်းကုန်လို့နှစ်သစ်ရောက်ပြီဆိုတော့ ဒီ ၂၀၂၁ မှာခေတ်စားလာဦးမယ့် နည်းပညာတွေအကြောင်း ကျွန်တော်တို့ ခန့်မှန်းလို့ရသလောက်ဆွေးနွေးကြည့်ကြမယ်။ ဒါက ဖြစ်ကိုဖြစ်လာမယ်လို့တပ်အပ်ပြောတာမျိုး ထက် ဖြစ်လာနိုင်တာကို အကျိုးသင့်အကြောင်းသင့် စဉ်းစားမှာဖြစ်တဲ့အတွက် အတိအကျမှန်ချင်မှမှန်မယ် ဒါပေမယ့် ၂၀၂၁ ကိုပုံဖော်ပေးမယ့် technology တွေအကြောင်းကိုတော့ အနီးစပ်ဆုံး သိနိုင်ဖို့အထောက်အကူ ပြုပါလိမ့်မယ်။
  • 5G
2020 မှာ 5G smartphone တွေအများအပြားထွက်ခဲ့သလိုပဲ 2021 မှာလဲ 5G က mainstream technology တစ်ခုအနေနဲ့ခေတ်စားဦးမယ့်သဘောရှိပါတယ်။ ပိုမြန်လာမယ့် data speed တွေ၊ coverage ပိုကောင်းလာမှာတွေနဲ့အတူ အရင်က 5G မရသေးတဲ့နေရာတွေမှာ 5G ရဖို့ကြိုးစားလာမှာတွေကို ၂၀၂၁ အတွင်း မှာတွေ့လာရမယ်။ ထို့အတူပဲ 5G handset တွေလဲ အရင်ကထက်ပိုပြီး ဈေးသက်သာလာမှာသေချာပါတယ်။ 5G အတွက် $1000 လောက်ပေးခဲ့ရတဲ့ခေတ်တွေက ကုန်ခဲ့ပြီး Pixel 4a 5G လို One Plus Nord လိုမျိုး 5G ရပြီးဈေးသက်သာတဲ့ device တွေမနှစ်ကထွက်ခဲ့သလိုပဲ ဒီနှစ်မှာလဲ Snapdragon 400 series နဲ့ 5G ရလာ မယ့် ဈေးအသက်သာဆုံးဖုန်းတွေထွက်လာနိုင်ပါတယ်။
  • Affordable foldable, rollable phones
2020 က ခေါက်လို့ရတဲ့ foldable ဖုန်းတွေရဲ့ နှစ်တစ်နှစ်ဖြစ်ခဲ့တယ်လို့ပြောရင်မမှားပါဘူး။ Samsung ရဲ့ Galaxy Fold 2 လိုမျိုး လက်တွေ့ဘဝမှာ practical ဖြစ်ဖြစ်သုံးလို့ရတဲ့ foldable ဖုန်းတွေကိုတွေ့ခဲ့ရပြီး ဈေးကြီးလွန်းနေတာကလွဲရင် တခြားအားနည်းချက်တွေပျောက်ကွယ်စ ပြုလာပြီလို့ပြောလို့ရတယ်။ နည်းပညာတစ်ခုက mature ဖြစ်လာတာနဲ့အမျှ ဈေးသက်သာလာလေ့ရှိတယ်ဆိုတဲ့အတွက် 2021 မှာ တော့ foldable ဖုန်းတွေထဲမှာမှ $1000 အောက်ဖုန်းတွေပေါ်လာမယ့် အခြေအနေရှိပါတယ်။ ပြီးတော့ LG တို့ Oppo တို့ကနေ လိပ်လို့ရတဲ့ rollable ဖုန်းတွေကို concept အသစ်တွေအနေနဲ့မြင်တွေ့ခဲ့ရသလို တခြား company တွေဆီကနေအခုထက်ပိုကောင်းမယ့် foldable ဖုန်းတွေမြင်တွေ့လာရနိုင်ပါတယ်။
  • Under-display selfie camera
New Tech အကြောင်းပြောတဲ့အချိန်မှာ Under-display selfie camera တွေအကြောင်းချန်ခဲ့လို့လဲ မဖြစ်ပါဘူး။ Under display selfie camera 2020 မှာ ZTE ကနေထုတ်တဲ့ Axon 20 5G မှာတော့ ပထမဆုံးပါလာပြီ ဒါပေမယ့် camera quality က အားရလောက် တဲ့အထိတော့မကောင်းသေးပါဘူး။ Xiaomi, Oppo , Samsung စတဲ့ company တွေလဲ ဒီ နည်းပညာကို သုံးလာမယ့် အရိပ်အယောင်မျိုးတွေရှိတဲ့အတွက် 2021 က Under display selfie camera တွေခေတ်စားလာမယ့်နှစ်တစ်နှစ်ဖြစ်လာနိုင်ပါတယ်။ အဲ့အချိန်မတိုင် ခင်အထိတော့ ကျွန်တော်တို့ display ပေါ်က punch-hole အပေါက်တွေကိုပဲမြင်နေရဦးမှာပါ။
  • Flagship compact phones
2020 တုန်းကထွက်ခဲ့တဲ့ဖုန်းတွေထဲမှာ compact ဖြစ်တဲ့ဖုန်းတွေက လူကြိုက်များခဲ့တယ်။ ဥပမာ – Pixel 4a တို့၊ iPhone SE တို့လိုမျိုးပေါ့။ ပြီးတော့ Sony Xperia 5II တို့ iPhone 12 mini တို့လိုမျိုး compact flagship ဖုန်းတွေလဲ ကောင်းကောင်းမွန်မွန်ပြန်ထွက်လာတာကိုကြည့်မယ်ဆိုရင် display အကြီးကြီး ၊ battery အကြီးကြီးနဲ့ဖုန်းတွေကိုလူတွေ ငြီးငွေ့လာပြီဆိုတာကိုပြပါတယ်။ ဆိုတော့ 2021 ဟာ compact ဖုန်းတွေကို weight သိပ်လျော့ထားတာမျိုးမရှိဘဲ camera setup အကြမ်းစားတွေနဲ့ထွက်လာတာမျိုးမြင်ရမယ့်နှစ်တစ် နှစ်ဖြစ်လာနိုင်ပါတယ်။

2021 မှာဖုန်းဝယ်တော့မယ်ဆို Xiaomi Mi 11 ကိုထည့်စဉ်းစားသင့်တဲ့အချက် ၅ ချက်

  • ကဲ ၂၀၂၀ လဲနှစ်ကုန်တော့မယ်ဆိုတော့ နှစ်သစ်မှာ ဖုန်းအသစ်လဲဖို့ကြံစည်ထားတဲ့သူတွေရှိကြမှာပါ။ Flagship ဖုန်းတစ်လုံးလဲကိုင်ချင်တယ်၊ ဈေးလဲ ၁၀ သိန်းအောက်ပဲသုံးချင်တယ်ဆိုတဲ့သူတွေအတွက်တော့လွန်ခဲ့တဲ့ ၂ ရက် လောက်က မိတ်ဆက်သွားတဲ့ Xiaomi ရဲ့ Mi 11 လေးကစောင့်ကြည့်ချင်စရာဖုန်းလေးတစ်လုံးဖြစ်လာပါပြီ။ ဘာ လို့လဲဆိုတာ အောက်ကအချက်လေးတွေနဲ့ဆက်ပြောကြတာပေါ့။
  • ပထမဆုံးတစ်ချက်ကတော့ သူ့ရဲ့ Performance ပါ။ Snapdragon 888 SoC ကိုသုံးထားတာဖြစ်တဲ့အတွက် လက်ရှိ Android ဖုန်းတွေအားလုံးထဲမှာအမြန်ဆုံးလို့ပြောလို့ရတယ်။ အရင် Snapdragon 865 ထက် 25% performance နဲ့ 25% power efficiency ပိုကောင်းလာတယ်ဆိုတာက ဒီဖုန်းကိုဘယ်လိုအခြေအနေမျိုးမှာ မဆို မြန်မြန်နဲ့ အားသိပ်မစားပဲအလုပ်လုပ်နိုင်မယ်လို့ အဓိပ္ပါယ်ရပါတယ်။
  • ဒုတိယတစ်ချက်ကတော့ Display ပါ။ Mi 11 ရဲ့ display ကလဲ လောလောဆယ်ထွက်ထားသမျှ smartphone display တွေမှာအကောင်းဆုံးလို့ပြောလို့ရတယ်။ 2K resolution 120Hz ရတာက အားသာချက်တစ်ခုဖြစ်သ လို 1500 nits brightness ဆိုတာကလဲ တော်တော်လေးကြမ်းတဲ့ peak brightness ပါပဲ။ ကျန်တဲ့ color accuracy တွေ၊ Gorilla Glass Vitus လို အကြမ်းခံတဲ့မှန်သုံးပေးထားတာတွေကလဲ အားရစရာပါ။ Harman Kardon က tuned လုပ်ပေးထားတဲ့ Stereo Speaker နဲ့ပေါင်းလိုက်ရင် Multimedia consumption အတွက် တော့ တကယ်ကြမ်းတဲ့ဖုန်းတစ်လုံးပါပဲ။
  • တတိယတစ်ချက်ကတော့ သူ့ရဲ့ battery၊ fast charging နဲ့ wireless charging တွေပါ။ Battery က 4600 mAh ဆိုတော့ တစ်ရက်တော့ကောင်းကောင်းလုံလောက်မှာဖြစ်သလို၊ 55W wired fast charging နဲ့ 50W wireless fast charging တွေကလဲ ၈ သိန်းဆိုတဲ့ဈေးမှာမက်လောက်စရာပါပဲ။ Wireless charging ရတဲ့ Accessories တွေကိုအားသွင်း ဖို့ 10 W reverse wireless charging လဲပါပါသေးတယ်။
  • နောက်တစ်ချက်ကတော့ Camera ပါ။ 108 MP main camera အပြင်၊ 13MP ultrawide နဲ့ 5MP macro telephoto macro sensor တွေကိုသုံးထားလို့ အခြေအနေတော်တော်များများကိုအဆင်ပြေပြေရိုက်လို့ရပါလိမ့် မယ်။ 20MP selfie camera ကလဲ အလုပ်ဖြစ်မှာသေချာပါတယ်။
  • နောက်ဆုံးတစ်ချက်ကတော့ ဈေးနှုန်းပါ။ Mi 11 ရဲ့ဈေးနှုန်းက အနိမ့်ဆုံး model ကို ၈ သိန်းဝန်းကျင်ပဲရှိတယ်။ ဒီကိုဝင်ခါစမှာတော့ ထုံးစံအတိုင်းပဲ ၉ သိန်းဝန်းကျင်လောက်ဖြစ်နေနိုင်ပေမယ့် နည်းနည်းစိတ်ရှည်လိုက်မယ်ဆို ၈ သိန်းကျော်ကျော်လောက်နဲ့ရနိုင်တယ်။ အပေါ်ကလိုမျိုး Flagship features တွေပါတဲ့ ဖုန်းတစ်လုံးကို ၈ သိန်း ဝန်းကျင်နဲ့ ရမယ်ဆိုတာက တော်တော်ကြီးကိုတန်တယ်လို့ပြောလို့ရနေပါပြီ။ ဆိုတော့ 2021 မှာ ဖုန်းဝယ်မယ် လို့စဉ်းစားထားရင် Mi 11 လေးကိုတစ်ချက်တော့စောင့်ကြည့်သင့်ပါတယ်။

2021 smartphone တော်တော်များများမှာ မဖြစ်မနေပါလာစေချင်တဲ့ feature ၄ ခု

  • 2020 တုန်းက ထွက်ခဲ့တဲ့ဖုန်းတွေမှာ တော်တော်လေးမိုက်တာမျိုးရှိသလို၊ ထင်သလောက်ဖြစ်မလာတဲ့ဖုန်းတွေလဲရှိခဲ့တယ်။ ထင်သလောက်ဖြစ်မလာဘူးဆိုတာက user တွေမျှော်လင့်ထားတဲ့ features တွေမပါလာတာ၊ ဈေးကထင်ထားတာထက်ကြီးနေတာစသည်ဖြင့် လိုအပ်ချက်လေးတွေကိုပြောတာပါ။
  • 2021 မှာထွက်လာမယ့်ဖုန်းတွေမှာလဲ User တွေအနေနဲ့ မဖြစ်မနေပါလာစေချင်တဲ့၊ ပါလာသင့်တဲ့ အချက်တွေရှိနေတယ်။ပထမဆုံးတစ်ခုကတော့ High Refresh Rate display တွေပါ။ အရင်က High refresh rate display ကိုမသုံးဖူးတဲ့သူတွေအတွက်တော့ အရသာကိုမသိနိုင်ဘူးဆိုပေမယ့် တကယ်တမ်းမှာ high refresh rate ပါမပါ ကဖုန်းကိုသုံးရတာ smooth ဘယ်လောက်ဖြစ်စေလဲဆိုတာကို ဆုံးဖြတ်ပေးနိုင်တဲ့အထိအရေးပါတယ်။ ဆိုတော့ 2020 မှာ ဖုန်းတော်တော်များများမှာ high refresh rate display တွေကိုသုံးလာပြီ။ ဒါပေမယ့် iPhone 12 ထွက်လာတဲ့အချိန်မှာတော့ 60Hz ပဲဖြစ်နေတုန်းပဲ၊ နောက်နှစ် iPhone တွေအပြင် flagship phone အားလုံး နီးပါးမှာ High Refresh Rate display တွေပါလာဖို့ user တွေတော်တော်များများက မျှော်လင့်နေကြပါတယ်။
  • ဒုတိယတစ်ခုကတော့ Wireless Charging တွေပါ။ Flagship device တွေမှာ wireless charging တွေပါနေ တာက အချိန်ကာလတစ်ခုရှိနေပြီဆိုတော့ ဒီနည်းပညာက lower-end device တွေမှာလဲပါလာသင့်တဲ့ feature တစ်ခုဖြစ်နေပါပြီ။ Wired charging တွေလောက်မမြန်ဘူးဆိုပေမယ့် wireless charging နဲ့ဆို charging pad ပေါ်တင်လိုက်ရုံပဲဆိုတော့ တော်တော်လေးသက်သာပါတယ်။ ပြီးတော့ Wireless charging အတွက်လိုအပ်တဲ့ components တွေက ဈေးမကြီးဘူးဆိုတော့ နောက်နှစ်ထွက်မယ့် mid-range ဖုန်းတွေလောက်မှာတော့ပါလာ စေချင်ပါတယ်။ Reverse wireless charging တွေပါရရင်တော့ ပိုကောင်းတာပေါ့။
  • တတိယတစ်ခုကတော့ software update ပါ။ Google နဲ့ Apple လို company ကြီးတွေကလွဲရင်တခြား company တွေမှာ software update ကိုအချိန်အကြာကြီး support လုပ်တာမျိုးသိပ်မတွေ့ရဘူး။ အခုလက်ရှိအချိန်မှာ hardware တွေက ၄ ၅ နှစ်ဝန်းကျင်လောက်ကောင်းကောင်းသုံးလို့ရတဲ့အထိ အဆင်ပြေ လာပြီဆိုတော့ software update ကိုလဲ အချိန်ကြာကြာရမယ်ဆိုဖုန်းရဲ့သက်တမ်းပိုရှည်သွားမှာပါ။
  • နောက်ဆုံးတစ်ခုကတော့ Stereo speaker တွေပါ။ PUBG လို game မျိုးမှာ ဘယ်သံညာသံခွဲပြီးကြားရဖို့တို့၊ သီချင်းကို stereo အသံထွက်နဲ့နားထောင်နိုင်ဖို့တို့၊ ရုပ်ရှင်ကြည့်ရတာပိုအရသာရှိဖို့တို့ဆိုရင် ဖုန်းမှာ stereo speaker ပါဖို့ကလိုအပ်ပါတယ်။ Stereo speaker ဆိုတာက အရမ်းကုန်ကျစရိတ်များတဲ့အစိတ်အပိုင်းမဟုတ် တဲ့အတွက် user တွေက 2021 မှာထွက်လာမယ့်ဖုန်းတော်တော်များများမှာ ပါစေချင်ကြတာဖြစ်ပါတယ်။

ဈေးသက်သာဖို့အတွက် Snapdragon 865 ကိုပဲသုံးလာမယ့် One Plus 9 Lite

  • OnePlus အနေနဲ့ 2021 မှာ ဖုန်းတွေအများကြီး launch လုပ်ဖို့ကြံစည်နေတဲ့ပုံပါပဲ။ လတ်တလောမှာ One Plus company ရဲ့အတွင်းလူတစ်ယောက်စီကနေရတဲ့သတင်းအရတော့ သိပ်မကြာခင်ထွက်လာတော့မယ့် One Plus 9 series မှာတောင် ဖုန်း ၃ မျိုးအထိထွက်လာမယ်လို့ဆိုပါတယ်။ ပထမတစ်ခုကတော့ ရိုးရိုး One Plus 9 ပါ၊ ဒုတိယတစ်မျိုးကတော့ One Plus 9 Pro ဖြစ်ပြီး နောက်ထပ် ဈေးသက်သာတဲ့ One Plus 9 lite version လဲ ထွက်လာနိုင်ဖွယ်ရှိနေပါတယ်။
  • အဲ့ဒီ သတင်းပေးတဲ့သူဆီကပဲ နောက်ထပ်သိရတာကတော့ One Plus 9 Lite ဟာ 2020 flagship smartphone တွေမှာသုံးထားတဲ့ Snapdragon 865 ကိုပဲသုံးလာမှာဖြစ်ပြီး One Plus 9 နဲ့ 9 Pro မှာတော့ နောက်ဆုံးထွက်ထားတဲ့ အကောင်းဆုံး Android SoC လို့ပြောလို့ရတဲ့ Snapdragon 888 ကိုသုံးလာမှာဖြစ်ပါတယ်။ raw performance မှာ SoC နှစ်ခုရဲ့ ကွာခြားချက်က 15-20% လောက်ရှိတယ်ဆိုပေမယ့် Snapdragon 865 ကလူတော်တော်များများအတွက် လုံလောက်တာထက်တောင်ပိုနေပါသေးတယ်။ဆိုတော့ One Plus 9 lite က One Plus ရဲ့ Midrange series ဖြစ်တဲ့ One Plus Nord နဲ့ရော ဘယ်လိုကွာမလဲ?
  • One Plus Nord မှာက Snapdragon 765 လိုမျိုး mid range SoC ကိုပဲသုံးထားပြီး $500 ဝန်းကျင်လောက်ကျသင့်တယ်။ အခုနောက်ဆုံးထွက်ထားတဲ့ One Plus 8t ကတော့ $749 ဝန်းကျင်သတ်မှတ်ထားတဲ့အတွက် One Plus 9 lite က အဲ့ဒီ ၂ ခုကြား ဈေးနှုန်းအလွှာမှာနေရာယူလာနိုင်ပါတယ်။ ခန့်မှန်းခြေပြောရမယ်ဆိုရင် $650 ဝန်းကျင် ဖြစ်နိုင်တယ်။ ဒါမှမဟုတ် Nord နဲ့ဈေးသိပ်မကွာတဲ့ $600 ဝန်းကျင်မှာပဲထားပြီး One Plus 9 Lite ကို Nord ရောင်းထားတဲ့ region တွေမှာမရောင်းဘဲ ကန့်သတ်ထားလိုက်တာမျိုးလဲဖြစ်ကောင်းဖြစ်လာနိုင်ပါတယ်။ ဒါကတော့ စောင့်ကြည့် ရဦးမှာပါပဲ။
  • One Plus အနေနဲ့ မြန်မာနိုင်ငံကို Official စဝင်လာပြီဆိုတော့ One Plus 9 Series တွေ launch လုပ်ရင် အရင်ကထက်ပိုလွယ်လွယ်ကူကူဝယ်လို့ရလာနိုင်တဲ့အပြင် warranty တွေ service တွေလဲပိုအဆင်ပြေလာဖို့ မျှော်လင့်ရပါတယ်။
Ref; Android Authority

အခုခေတ်မှာ ဘာကြောင့် စာရိုက်တာမြန်ဖို့လိုလာတာလဲ၊ ဘယ်လိုမြန်အောင်လုပ်ကြမလဲ?

  • အခုလို work form home လုပ်နေရတဲ့အချိန်မှာ ရုံးတော်တော်များများက computer နဲ့အလုပ်လုပ်ကြပြီး ရုံးရဲ့ report တွေကိုလဲ email တွေ ကပဲတင်ရတာများတာကြောင့် ကျွန်တော်တို့ စာရိုက်တဲ့အခါမှာ ဘယ်လောက်မြန်လဲဆိုတာက အလုပ်ဘယ်လောက်ထိမြန်မြန်ပြီးလဲဆိုတာပေါ်မှာအများကြီး အကျိုးသက်ရောက်လာပါတယ်။
  • မြန်မာနိုင်ငံက interview တွေမှာ typing speed test တွေသိပ်စစ်လေ့မရှိပေမယ့် နောက်ပိုင်းမှာ ကိုယ့် typing speed က သာမန်နှုန်းလောက်တောင်မရှိဘူးဆိုရင် အလုပ်ရဖို့ခက်လာနိုင်ပါတယ်။ တခြားနိုင်ငံတွေရဲ့ အလုပ်ခေါ်စာတွေထဲမှာ typing speed ကို job description တစ်ခု အနေနဲ့တောင်ထည့်သွင်းလာတာကိုတွေ့ရပါတယ်။ အထူးသဖြင့် secretary လိုအလုပ်တွေ၊ data entry လိုအလုပ်တွေမှာ typing speed မြန်ဖို့ ပိုပြီးလိုအပ်ပါတယ်။
  • Typing speed ကို တစ်မိနစ်အတွင်းမှာ စာလုံးရေဘယ်နှစ်လုံးရိုက်နိုင်လဲဆိုတဲ့ word per minute နဲ့တိုင်းပြီး လူတစ်ယောက်ရဲ့ ပုံမှန် typing speed ကယောကျာ်းလေးတွေဆို 44 wpm နဲ့ မိန်းကလေးတွေဆို 37 wpm ဖြစ်ပါတယ်။ Average အနေနဲ့ 41 wpm ဖြစ်ပြီးတော့ သာမာန် လက်ရေးနဲ့ရေးတဲ့နှုန်းက 30 wpm ပဲရှိပါတယ်။ ဒါကြောင့် ပုံမှန် typing လုပ်တာက လက်နဲ့စာရေးတာထက် ပိုမြန်တယ်ဆိုတာသိသာနေပါတယ်။ လောလောဆယ် အမြန်ဆုံး typing speed က 2015 ခုနှစ်က Barbara Blackburn ဆိုတဲ့သူ စံချိန်တင်ထားခဲ့တဲ့ 212 wpm ဖြစ်ပါတယ်။ အရွယ်ရောက်ပြီးသားလူတစ်ယောက်ရဲ့ စာဖတ်နှုန်းဟာ 270 wpm ဖြစ်တာကြောင့် သူတင်ထားတဲ့စံချိန်ဟာ တော်တော်ကိုအထင်ကြီးဖို့ကောင်းနေပါပြီ။ တကယ်ကတော့ typing speed မှာ မြန်ရုံနဲမလုံလောက်ပါဘူး မှန်ဖိုကလဲလိုအပ်ပါသေးတယ်။

 

  • အဲ့ဒါကိုကျတော့ accuracy percentage နဲ့တိုင်းပါတယ်။ average accuracy percentage က 92% ဖြစ်လို့သာမာန်လူတစ်ယောက်ဟာ စာလုံးတစ်ရာရိုက်ရင် ရှစ်လုံးလောက်မှားလေ့ရှိပါတယ်။ဒီလောက်ဆို typing speed နဲ့ပက်သက်လို့သိသင့်သလောက်သိပြီဆိုတော့ ဘယ်လိုလူတွေကဘယ်လောက် typing speed လိုအပ်တယ်ဆိုတာရယ်၊ typing speed မြန်အောင်ဘယ်လိုလေ့ကျင့်ရမယ်ဆိုတာရယ်ဘက်ကိုဆက်သွားပါမယ်။ Office worker တွေ , data entry သမားတွေ, စတဲ့ သာမန်ရုံးလုပ်သားတွေအနေနဲ့ 45 wpm လောက်အနည်းဆုံးလိုအပ်ပြီး 50 wpm လောက်ရနိုင်ရင်ပိုကောင်းပါတယ်။ စာရိုက်ပြီး အလုပ်လုပ်ရတဲ့ professional တွေအနေနဲ့ 60 ကနေ 80 wpm လောက်ရှိသင့်တယ်။ ဘယ်လိုပဲဖြစ်ဖြစ် အနည်းဆုံး 50 wpm လောက်ရအောင်တော့ ကျင့်ထားတာကတော့မမှားပါဘူး။ဆိုတော့ဘယ်လိုမြန်အောင်လုပ်ကြမလဲ?ပထမဆုံးအနေနဲ့ Key နေရာတွေကိုအလွတ်မှတ်နိုင်အောင်လုပ်ဖို့လိုအပ်ပါတယ် Keyboard ကိုခဏခဏ ကြည့်နေရရင်သိပ်အလုပ်မဖြစ်ပါ ဘူး။ ပြီးတော့ စာရိုက်တဲ့အခါမှာထားရမယ့် လက်အနေအထားလဲမှန်ဖို့လို ပါတယ်။ လက် ၁၀ ချောင်းလုံးကို နေရာတကျ၊ စနစ်တကျ ထားပြီးလေ့ကျင့်သင့်ပါတယ်။ လက် ၂ ချောင်းနဲ့ စာလုံးတစ်ခုချင်းစီလိုက်ကြည့်ပြီးနှိပ်နေတာမျိုးမလုပ်ပါနဲ့။
  • ဒုတိယအနေနဲ့ ကိုယ်သုံးနေကျ keyboard ကိုပဲသုံးသင့်ပါတယ် keyboard ခဏခဏပြောင်းသုံးတာက ရနေကျ wpm ထက်ကျနိုင်ပါတယ်။Typing speed test website မှာအနည်းဆုံးတစ်ရက်တစ်ခါလောက်သွားစစ်တာက typing ကျင့်ပြီးသားဖြစ်သလို ကိုယ်ဘယ်လောက်တိုးတက်လာလဲဆိုတာပါတစ်ခါတည်း သိနိုင်ပါတယ်။ကိုယ်ခဏခဏ မှားတတ်တဲ့စာလုံးတွေကို များများရိုက်ပေးတာကလဲ typing speed တက်စေပါတယ်။အာရုံစူးစိုက်မှုအားကောင်းတဲ့အချိန်မှာ စာရိုက်တာက key နေရာတွေကိုပိုမှတ်မိစေလို့ typing speed ပိုမြန်စေနိုင်ပါတယ်။ကိုယ့်အတွက် အဆင်ပြေမယ့် Keyboard ကောင်းကောင်းကိုရွေးချယ်တာကလဲ typing speed ကိုမြန်စေပါတယ်။Short Essay လိုမျိုး စာပိုဒ်လေးတွေ တစ်ရက်တစ်ပုဒ်ရေးတာက typing speed ကိုသာမကပဲ writing skill ကိုပါ လေ့ကျင့်ပြီးသားဖြစ်တာမို့ နေ့တိုင်းရေးသင့်ပါတယ်။ဒီအချက်တွေကို သေချာလေးဂရုစိုက်လေ့ကျင့်လိုက်ရင် 45 wpm ဆိုတာက တစ်လအတွင်းရနိုင်တဲ့ speed ပါ။
  • ခေတ်ကပြောင်းလဲလာတဲ့အချိန်မှာ ကိုယ်ကလိုက်မပြောင်းနိုင်ရင် ကျန်ခဲ့မှာပါ။ ကိုယ်ဘယ်လောက်ပဲတော်နေနေ typing speed နှေးနေလို့ report တွေနောက်ကျလာတဲ့အခါ၊ ကိုယ်စာရိုက်နေတာကို customer ကအကြာကြီးစောင့်နေရတဲ့အခါမျိုးတွေမှာ အလုပ်ရှင်က ကိုယ့်ကိုငြိုငြင်လာနိုင်ပါတယ်။ အောက် မှာ typing speed test အတွက်Link လေးထည့်ထားပေးပါတယ်။ စစ်ကြည့်ပြီး ကိုယ်ဘယ်လောက်ထိလေ့ကျင့်ဖို့လိုအပ်နေတယ်ဆိုတာကို ဆန်းစစ်ကြည့်နိုင်ပါတယ်။ ကျွန်တော့် typing speed က အာရုံအပြည့်အဝစိုက်ပြီးရိုက်ရင် 70 ကနေ 80 ကြားမှာရှိပါတယ် 100 % accuracy rate နဲ့ပါ ။ ကြုံတုန်းကြွားတာပါ။ကိုယ့် typing speed ကို comment box မှာ screen shot လေးတွေနဲ့ ကြွားသွားကြပါဦး။

Over-ear design နဲ့ထွက်လာတဲ့ Apple ရဲ့ AirPods Max headphone

  • Over-ear design နဲ့ထွက်လာတဲ့ Apple ရဲ့ AirPods Max headphone
  • ကဲ သတင်းတွေထွက်နေတာကြာပြီဖြစ်တဲ့ Apple ရဲ့ over-ear headphone ကြီးကတော့ တကယ်ပဲ ထွက်လာပါပြီ။ မနေ့က ကြေငြာသွားခဲ့တာဖြစ်ပြီး Airpods တွေရဲ့ အဆင်ပြေကောင်းမွန်မှု တွေကို အခုအသစ်ထွက်တဲ့ Over-ear headpho ne မှာထည့်သွင်းပေးထားပါတယ်။ Active Noise Cancellation (ANC) ၊ Adaptive EQ နဲ့ High-fidelity special audio လိုမျိုး features တွေလဲပါဝင်လာ တယ်။ Wireless connectivity အတွက်ကို Apple H1 chip နဲ့အတူ bluetooth 5.0 ကတာဝန်ယူထား တယ်။ အားသွင်းဖို့အတွက်ကိုတော့ lightnting port တစ်ခုပါမယ်။ Battery က spatial audo ဒါမှမဟုတ် ANC ဖွင့်ပြီးသုံးမယ်ဆိုရင်တောင်နာရီ ၂၀ ဝန်းကျင်လောက်ခံမယ်လို့သိရတယ်။
  • Build quality ပိုင်းမှာလဲ Apple ရဲ့ထုံးစံအတိုင်းပဲ တော်တော်လေးမိုက်တယ်။ Volume control အတွက် Apple watch တွေမှာသုံးထားတဲ့ Digital crown ကိုသုံးထားပြီး single tap, double tap, triple taps , press and hole စတာတွေနဲ့ play , pause, skip tracks လုပ်တာ , phone ကိုင်၊ ဖုန်းချတာ ၊, siri ကိုခေါ်တာတွေလဲလုပ်လို့ရတယ်။
  • ပြီးတော့ Dedicated Noise Control Button တစ်ခုလဲထည့်ပေးထားတယ်။ အဲ့ဒါကတော့ ANC နဲ့ Transparancy mode ကိုအလွယ်တကူပြောင်းလို့ရအောင်ထည့်ထားပေးတာပါ။ တစ်ခုထူးဆန်းတာက ဒီ mode နှစ်ခုအပြင် ရိုးရိုး normal audio mode ရှိနေသေးလားဆိုတာ ထည့်မပြောသွားဘူး။ ပြီးတော့ Power အပိတ်အဖွင့်အတွက်လဲ button သပ်သပ်မပါတာကိုသတိထားမိတယ်။
  • Apple အနေနဲ့ wear detection အတွက် optical and position sensors တွေကိုလဲ တပ်ဆင်ထားပေးပြီး နားကြပ်တစ်ဖက်ကို နားကနေခွာလိုက်တာနဲ့ သီချင်းကို ရပ်ပေးတာမျိုး၊ ခေါင်းရဲ့ အနေအထား၊ နေရာ ပေါ်မှာမူတည်ပြီး အသံကို လိုအပ်သလိုချိန်ညှိပေးနိုင်တာမျိုး လုပ်နိုင်တယ်။ AirPods Prမှာပါတဲ့ Spatial Audio ကိုဒီမှာလဲ ထည့်ပေးလာတာတွေ့ရတယ်။
  • AirPods Max မှာစုစုပေါင်း Microphone 9 ခုပါတယ်။ ၆ခုကို ANC အတွက်သီးသန့်သုံးတာ ဖြစ်ပြီး ၁ ခုကိုတော့ အသံသွင်းဖို့ နဲ့ ကျန်တဲ့ ၂ ခုကို ၂ မျိုးလုံးသုံးလို့ရအောင်လုပ်ထားတယ်။ Audio source ရယ် ၊ ပတ်ဝန်းကျင်ဆူညံသံတွေရယ်၊ Earcup ရဲ့ seal ရယ်ပေါ်မူတည်ပြီး သီချင်းသံကို real time မှာ adjustment လုပ်ပေးနေမယ့် adaptive EQ ဆိုတဲ့ features ကလဲတော်တော်လေးမိုက်မယ့် အနေအထားပဲ။
  • AirPods Max ကို Space gray, silver, sky blue, green နဲ့ pink အရောင်တွေနဲ့ ဝယ်ယူနိုင်မယ် လို့သိရပြီး ဈေးနှုန်းကတော့ US မှာ $550 နဲ့ရောင်းမယ်လို့ဆိုပါတယ်။ မြန်မာကိုဝင်လာရင်တော့ tax + shipping နဲ့ ခန့်မှန်းခြေ ကိုးသိန်းဝန်းကျင်လောက်ကျသင့်ပါလိမ့်မယ်။

50MP main camera, 120Hz QHD+ resolution display ပါဝင်လာမယ့် Mi 11 Pro

  • Xiaomi ရဲ့နောက်ထပ်အသစ်ထွက်လာမယ့် flagship ဖုန်းတွေဖြစ်တဲ့ Mi 11 တွေရဲ့ Spec တွေထပ်ပေါက်ကြား လာပါတယ်။ နောက်ဆုံးသိရတဲ့သတင်းအရ Mi 11 Pro မှာ QHD+ display ကိုမှ 120Hz support လုပ်မယ်လို့ ဆိုပါတယ်။
  • အရင် Mi 10 Pro တွေ၊ Mi 10 Ultra တွေတုန်းက 1080p 120Hz အထိပဲ support လုပ်ခဲ့တာဖြစ်ပြီး ပြိုင်ဘက်တွေဖြစ်တဲ့ One Plus 8 Pro, Oppo Find X 2 တို့ရဲ့ QHD+ 120Hz လောက်မကောင်းခဲ့ဘူး။ ဒီ တစ်ခါထွက်လာမယ့် Mi 11 Pro ကတော့ တော်တော်ကြီးကို flagship ပိုဆန်လာမယ့်အခြအနေမှာရှိပါတယ်။ တစ်နည်းအားဖြင့် Xiaomi အနေနဲ့ Mi 11 Pro ရဲ့ battery life ပေါ်မှာလဲပိုပြီးယုံကြည်ချက်ရှိနေတဲ့သဘောပါပဲ။
  • Mi 11 Pro ရဲ့ camera spec တွေလဲ လောလောလတ်လတ်ပဲပေါက်ကြားထားတယ်။ 50 MP main camera, 12MP telephoto shooter ပါမှာကတော့သေချာသလောက်ရှိနေပြီး ကျန်တဲ့ camera တွေအကြောင်းတော့ သေချာမသိရသေးဘူး။ Camera Software အတွက် MEMC support, AI HDR enhancement တွေပါ လာမယ်ဆိုတာကိုတော့ beta firmware ရဲ့ screenshot တွေပေါက်ကြားလာရာကနေ သိထားရပါတယ်။ Xiaomi အနေနဲ့ photos , videos တွေကို ပိုကောင်းအောင် enhance လုပ်ပေးနိုင်မယ့် AI feature တစ်ခုကိုလဲ စမ်းသပ်နေပြီး အဲ့ဒီ feature ကြောင့် camera က ရိုက်မယ့် object ကိုထောက်လှမ်းသိရှိနိုင်ပြီး လိုအပ်သလို HDR effect တွေထည့်ပေးမယ်လို့ဆိုပါတယ်။
  • MI 11 Pro ဟာ Snapdragon ရဲ့နောက်ဆုံးထွက်ထားတဲ့ Snapdragon 875 ကို ပထမဆုံးသုံးလာမယ့်ဖုန်း တွေထဲက တစ်လုံးလဲဖြစ်ပါလိမ့်မယ်။ ဆိုတော့ Mi 11 series တွေက 2020 December မဟုတ်ရင် 2021 January လောက်မှာပဲ ထွက်လာနိုင် ချေရှိပါတယ်။