Color Printer သုံးတဲ့သူတွေ error နည်းအောင်သိထားသင့်တဲ့အချက်များ
ပုံမှန်အားဖြင့် Color printer တွေမှာဖြစ်လေ့ရှိတဲ့ error တွေကတော့..
မှင်မထင်တာ
အရောင်မမှန်တာ
စာရွက်ညှပ်တာ
Printer ကိုစက်ကမသိတာ
စတာတွေဖြစ်ပါတယ်။
ဆိုတော့ မှင်မထင်တာနဲ့ပတ်သက်တဲ့ဖြေရှင်းနည်းကတော့ print-heads တွေကို သန့်ရှင်းရေးလုပ် ကြည့်ဖို့ပါပဲ။ inkjet color printer တွေမှာ မသုံးတာကြာရင် မှင်တွေခြောက်ပြီး print-head တွေကိုပိတ်နေတာမျိုးက ဖြစ်လေ့ဖြစ်ထရှိတဲ့အချက်ပါ။ catridge မှာ print-head ပါပြီးသား printer တွေဆိုရင်တော့ မှင်ဘူး(ink cartridge)လဲလိုက်ရင် အဆင်ပြေသွားတတ်ပါတယ်။ ဒါမျိုးထပ်မဖြစ်အောင် printer တွေကိုနေ့စဉ် ပုံမှန် သုံးပေးနေဖို့လိုပါတယ်။
အရောင်မမှန်တာကလဲ color printer တွေမှာဖြစ်လေ့ဖြစ်ထရှိတဲ့ ပြသနာပါပဲ။ ကိုယ်က ထုတ်ချင်တဲ့အရောင်က တစ်မျိုး၊ ထွက်လာတဲ့အရောင်ကတစ်မျိုး ဖြစ်နေတတ်တာမျိုးပေါ့။ ဖြေရှင်းနည်းကတော့ ink cartridge တွေမှာ တစ်ချို့အရောင်တွေက နည်းနေပြီလားဆိုတာကိုစစ်ကြည့်ဖို့ပါ။ မှင်နည်းနေတာ ဒါမှမဟုတ် ink cartridge တွေရက်လွန်သွားတာမျိုးတွေမှာ အရောင်မမှန်တဲ့ပြသနာဖြစ်လေ့ရှိပါတယ်။ နောက်ပြီး setting ရွေးချယ်ရာမှာ printer မှာထည့်ထားတဲ့မှင်အရောင်မဟုတ်တာမျိုးရွေးမိရင်လဲ အရောင်တွေမမှန်တတ်ပါဘူး။
စာရွက်ညှပ်တာကတော့ printer တိုင်းလိုလိုဖြစ်တတ်ပါတယ်။ စာရွက်ကိုထည့်တဲ့အခါမှာ သေချာညီအောင် စီထည့်တာ၊ အရမ်းအများကြီးမထည့်တာမျိုးက ဒီပြသနာကို ကာကွယ်ပေးနိုင်ပါတယ်။ တစ်ခါတစ်လေမှာ ထည့်ထားတဲ့ စာရွက်နဲ့ print ထုတ်တဲ့ setting က မတူတဲ့အခါမျိုးမှာလဲ စာရွက်ညှပ်တာဖြစ်တတ်ပါသေးတယ်။
Printer ကိုစက်ကမသိတာကတော့ များသောအားဖြင့် driver ပြသနာဖြစ်နိုင်ပါတယ်။ Printer ဝယ်တုန်းက ပါလာတဲ့ driver အခွေရှိမယ်ဆို driver install ပြန်လုပ်လိုက်ရင် အဆင်ပြေသွားတတ်တယ်။ ဒါမှမဟုတ် driver က outdated ဖြစ်သွားတာမျိုးဆိုရင်လဲ driver update လုပ်လိုက်ရင်ရသွားနိုင်ပါတယ်။ driver update လုပ်ဖို့ ကိုတော့ သက်ဆိုင်ရာ driver ကို ကိုယ်ဝယ်ထားတဲ့ printer ပေါ်မှာမူတည်ပြီး download အရင်လုပ်ရပါမယ်။ နောက်ထပ်ဖြစ်နိုင်တာက Printer နဲ့ PC နဲ့ချိတ်ထားတဲ့ကြိုးကြောင့်ပါ။ Driver update လုပ်ပြီးလို့မှ စက်က မသိသေးဘူးဆိုရင်တော့ ကြိုးလဲပြီးစမ်းကြည့်သင့်ပါတယ်။
ဒီလောက်ဆိုရင်တော့ Printer မှာဖြစ်လေ့ရှိတဲ့ပြသနာတွေကို ဘယ်လိုဖြေရှင်းရမလဲ ဘယ်လို မဖြစ်အောင် ကာကွယ်ရမလဲဆိုတာသိလောက်ပါပြီ။
